19/09/2021

THAILAND DAILY

NEWSPAPER / MAGAZINE / PUBLISHER

ບໍ່ແກ້ວ-ສືບຕໍ່ສັກວັກຊິນ-(ເຂັມທີ-1)-ໃຫ້ແກ່ກຸ່ມເປົ້າໝາຍໃນຮອບທີ-4

ບໍ່ແກ້ວ ສືບຕໍ່ສັກວັກຊິນ (ເຂັມທີ 1) ໃຫ້ແກ່ກຸ່ມເປົ້າໝາຍໃນຮອບທີ 4

ພະແນກສາທາລະນະສຸກແຂວງບໍ່ແກ້ວແຈ້ງໃຫ້ຮູ້ວ່າ: ປະຈຸບັນທີມງານແພດໝໍຈາກໂຮງໝໍແຂວງ, ພະແນກສາທາລະນະສຸກແຂວງ ແລະ ຫ້ອງການສາທາລະນະສຸກ ເມືອງຫ້ວຍຊາຍ ສືບຕໍ່ສັກວັກຊິນ ແອັສຕຣາ ເຊເນກາ ແລະ ຈອນສັນແອນຈອນສັນ (ເຂັມທີ1) ເປັນຮອບທີ 4 ໃຫ້ແກ່ພະນັກງານລັດຖະກອນ, ນັກຮຽນນັກສຶກສາ, ຜູ້ປະກອບການຫ້າງຮ້ານ, ປະຊາຊົນບັນດາເຜົ່າ ແລະ ຄົນຕ່າງປະເທດ ທີ່ມາດຳເນີນທຸລະກິດຢູ່ ແຂວງບໍ່ແກ້ວ ຊຶ່ງເປັນກຸ່ມເປົ້າໝາຍຜູ້ທີ່ມີພະຍາດປະຈໍາຕົວ ອາຍຸ 18 ຫາ 60 ປີ ຫຼື 60 ປີ ຂຶ້ນໄປ ໃຫ້ທົ່ວເຖິງ ຊຶ່ງໃນຮອບ 4 ມີປະຊາກອນປະມານ 193.761 ຄົນ ຈະໄດ້ຮັບການສັກວັກຊິນໃຫ້ບັນລຸ 50% ຂອງຈໍານວນປະຊາກອນທັງໝົດ ແລະ ຢູ່ເຂດພິເສດສາມຫຼ່ຽມຄໍາອີກ 244.999 ຄົນ.

 ພະແນກສາທາລະນະສຸກແຈ້ງໃຫ້ຮູ້ຕື່ມອີກວ່າ: ຜ່ານການຈັດຕັ້ງປະຕິບັດ ໃນ 5 ເມືອງທົ່ວແຂວງ ສາມາດສັກວັກຊິນເຂັມທີ 1 ໃຫ້ປະຊາຊົນກຸ່ມເປົ້າໝາຍໄດ້ແລ້ວ 50.129 ຄົນ ແລະ ເຂັມທີ 2 ໄດ້ແລ້ວ 43.194 ຄົນ ແລະ ຢູ່ເຂດພິເສດສາມຫຼ່ຽມຄໍາໄດ້ສັກວັກຊິນເຂັມທີ 1 ໃຫ້ກຸ່ມເປົ້າໝາຍແລ້ວ 92.923 ຄົນ ແລະ ເຂັມທີ 2 ແລ້ວ 85.095 ຄົນ.

ຮອດປັດຈຸບັນນີ້ ແຂວງບໍ່ແກ້ວມີຜູ້ຕິດເຊື້ອສະສົມຈາກພະຍາດໂຄວິດ-19 ແລ້ວ 622 ຄົນຊຶ່ງຜູ້ຕິດເຊື້ອສ່ວນຫຼາຍແມ່ນຢູ່ເມືອງຕົ້ນເຜິ້ງ ໃນເຂດພິເສດສາມຫຼ່ຽມຄໍາ.

 ຂ່າວ-ພາບ: ເງິນຫຼົງ ຈິດພູວົງ

Comments

be the first to comment on this article

Leave a Reply

Your email address will not be published. Required fields are marked *

Take Me Top