20/10/2021

THAILAND DAILY

NEWSPAPER / MAGAZINE / PUBLISHER

4-ວັນຂ້າງໜ້າ-ຈະມີຝົນຕົກປານກາງ-ຫາ-ໜັກ-ແລະ-ລົມພັດແຮງ

4 ວັນຂ້າງໜ້າ ຈະມີຝົນຕົກປານກາງ ຫາ ໜັກ ແລະ ລົມພັດແຮງ

ກົມອຸຕຸນິຍົມ ແລະ ອຸທົກກະສາດແຈ້ງໃຫ້ຮູ້ໃນວັນທີ 22 ກັນຍາ 2021 ນີ້ວ່າ: ໃນໄລຍະ 4 ວັນຂ້າງໜ້າ, ນັບແຕ່ວັນທີ 23-26 ກັນຍາ 2021 ນີ້ຈະມີຝົນຕົກໜັກ ແລະ ລົມພັດແຮງຢູ່ບາງທ້ອງຖິ່ນ ຂອງແຂວງພາກໃຕ້, ພາກກາງ ແລະ ພາກເໜືອດ້ານຕາເວັນຕົກ ຍ້ອນຮ່ອງຄວາມດັນຂອງອາກາດຕໍ່າ ຫຼື ຮ່ອງຝົນໄດ້ພັດຜ່ານເຂດພາກໃຕ້ ຂອງປະເທດລາວປ່ອງໃສ່ຍ່ອມຄວາມກົດດັນຂອງອາກາດຕໍ່າທີ່ປົກຄຸມຢູ່ເຂດທະເລຈີນໃຕ້ ຕອນກາງດ້ວຍກໍາລັງແຮງ ຊຶ່ງຄາດວ່າຈະເພີ່ມກໍາລັງແຮງຂຶ້ນກາຍເປັນພາຍຸເຂດຮ້ອນ.

 ກົມອຸຕຸນິຍົມ ແລະ ອຸທົກກະສາດ ແຈ້ງໃຫ້ຮູ້ຕື່ມວ່າ: ໃນໄລຍະວັນທີ 23 ຫາ 25 ກັນຍາ 2021 ຈະມີຝົນຕົກໜັກ ຫາ ໜັກຫຼາຍ ແລະ ລົມພັດແຮງ ຢູ່ບາງທ້ອງຖິ່ນເຂດພາກໃຕ້ ແລະ ພາກກາງ ໂດຍສະເພາະຢູ່ແຂວງອັດຕະປື, ຈໍາປາສັກ, ເຊກອງ, ສາລະວັນ ແລະ ສະຫວັນນະເຂດ. ສະເພາະໃນໄລຍະວັນທີ 24 ຫາ 26 ກັນຍາ 2021ຈະມີຝົນຕົກໃນລະດັບປານກາງ ຫາ ໜັກ ແລະ ລົມພັດແຮງ ຢູ່ເຂດພາກກາງ ແລະ ພາກເໜືອດ້ານຕາ ເວັນຕົກ ເຊັ່ນ: ຢູ່ແຂວງສະຫວັນນະເຂດ, ຄໍາມ່ວນ, ບໍລິຄໍາໄຊ, ວຽງຈັນ, ໄຊສົມບູນ, ນະຄອນຫຼວງວຽງຈັນ, ຫຼວງພະບາງ, ໄຊຍະບູລີ ແລະ ບໍ່ແກ້ວ.

ຕໍ່ສະພາບອາກາດດັ່ງກ່າວຈຶ່ງແຈ້ງເຕືອນມາຍັງປະຊາຊົນທີ່ອາໄສຢູ່ລຽບຮ່ອມພູ ແລະ ແຄມແມ່ນໍ້າໃຫຍ່ຕ່າງໆຢູ່ບັນດາແຂວງທີ່ກ່າວມານັ້ນ ຈົ່ງມີສະຕິລະວັງຕົວຕໍ່ສະພາບອາກາດຊຶ່ງອາດຈະເກີດດິນເຈື່ອນ, ນໍ້າຖ້ວມຊູ, ນໍ້າຖ້ວມຍຶ່ງ ແລະ ລົມພັດແຮງ, ໃຫ້ກຽມຍົກຍ້າຍສິ່ງຂອງທີ່ມີຄ່າ ແລະ ສັດລ້ຽງໄປໄວ້ທີ່ປອດໄພ.

ຂ່າວ: ວຽງຈັນທາຍ

Comments

be the first to comment on this article

Leave a Reply

Your email address will not be published. Required fields are marked *

Take Me Top