26/06/2022

THAILAND DAILY

NEWSPAPER / MAGAZINE / PUBLISHER

ໜັກໜ່ວງ!-ຜູ້ຕິດເຊື້ອພະຍາດໂຄວິດ-19-ເພີ່ມຂື້ນຮອດ-4-ຕົວເລກແລ້ວ

ໜັກໜ່ວງ! ຜູ້ຕິດເຊື້ອພະຍາດໂຄວິດ-19 ເພີ່ມຂື້ນຮອດ 4 ຕົວເລກແລ້ວ

ສະພາບການແຜ່ລະບາດຂອງເຊື້ອພະຍາດໂຄວິດ-19 ຢູ່ປະເທດລາວເລີ່ມໜັກໜ່ວງຂື້ນເລື້ອຍໆ, ຈາກຈຳນວນຜູ້ຕິດເຊື້ອ 800 ກວ່າຄົນເພີ່ມເປັນ 1.000 ຫາ 1.500ຄົນໃນ 2-3 ວັນທີ່ຜ່ານມາ ແລະ ໄດ້ເພີ່ມຂື້ນອີກເປັນ 4 ຕົວເລກຄື:  2.000 ຄົນ, ໝາຍຄວາມວ່າປະເທດລາວໄດ້ປະເຊີນກັບການແຜ່ລະບາດຮອບໃໝ່ທີ່ຮ້າຍແຮງກວ່າທີ່ໄດ້ລະບາດໃນໄລຍະທີ່ຜ່ານມາແລ້ວ.

ຄະ​ນະ​ສະ​ເພາະ​ກິດ​ເພື່ອ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຖະແຫຼງຂ່າວປະຈຳວັນທີ 22 ມີນາ 2022 ນີ້​ໃຫ້ຮູ້ວ່າ: ການກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ໃນ​ວັນ​ທີ 21 ມີນາ  2022 ທີ່ຜ່ານມາໄດ້ເກັບຕົວຢ່າງມາກວດວິເຄາະ​ທັງ​ໝົດ 5.976 ຕົວ​ຢ່າງ, ​ກວດພົບ​ຜູ້​ຕິດ​ເຊື້ອ​ເພີ່ມ​ໃໝ່ 2.328 ຄົນ, ໃນນີ້ 2.306 ຄົນຕິດ​ເຊື້ອພາຍໃນ.

ໃນ​ຈຳ​ນວນ​ຜູ້​ຕິ​ດ​ເຊື້ອເພີ່ມໃໝ່​ນັ້ນແມ່ນຕິດເຊື້ອນຳເຂົ້າມີ 22 ຄົນ ຊຶ່ງຢູ່ນະຄອນຫຼວງວຽງຈັນ 2 ຄົນ, ແຂວງ ຊຽງຂວາງ 7 ຄົນ, ແຂວງ ຫົວພັນ 11 ຄົນ, ແຂວງ ສະຫວັນນະເຂດ 1 ຄົນ ແລະ ແຂວງ ຈຳປາສັກ 1 ຄົນ; ຕິດເຊື້ອພາຍໃນທີ່ມີເຖິງ 2.306 ຄົນ ແມ່ນຢູ່ນະຄອນຫຼວງວຽງຈັນ 1.329 ຄົນ, ແຂວງ ຫຼວງພະບາງ 17 ຄົນ, ແຂວງ ຜົ້ງສາລີ 7 ຄົນ, ແຂວງ ບໍ່ແກ້ວ 65 ຄົນ, ແຂວງ ຫຼວງນ້ຳທາ 14 ຄົນ, ແຂວງ ຫົວພັນ 47 ຄົນ, ແຂວງ ຊຽງຂວາງ 137 ຄົນ, ແຂວງ ໄຊຍະບູລີ 84 ຄົນ, ແຂວງ ອຸດົມໄຊ 106 ຄົນ, ແຂວງ ວຽງຈັນ 75 ຄົນ, ແຂວງ ໄຊສົມບູນ 20 ຄົນ, ແຂວງ ບໍລິຄຳໄຊ 49 ຄົນ, ແຂວງ ຄຳມ່ວນ 85 ຄົນ, ແຂວງ ສະຫວັນນະເຂດ 169 ຄົນ, ແຂວງ ສາລະວັນ 63 ຄົນ, ແຂວງ ຈຳປາສັກ 9 ຄົນ, ແຂວງ ເຊກອງ 8 ຄົນ ແລະ ແຂວງ ອັດຕະປື 22 ຄົນ. ສຳລັບມື້ນີ້ ມີຜູ້ປິ່ນປົວຫາຍດີອອກໂຮງໝໍ 71 ຄົນ, ເສຍຊີວິດໃໝ່ 2 ຄົນ ( ຢູ່ແຂວງ ຈຳປາສັກ 1 ຄົນ ແລະ ແຂວງ ເຊກອງ 1 ຄົນ).

ຮອດປັດຈຸບັນ, ປະ​ເທດ​ລາ​ວ ມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 156.422 ຄົນ, ກຳລັງນອນປິ່ນປົວ 2.716 ຄົນ, ເສຍຊີວິດສະສົມ 651 ຄົນ.

Comments

be the first to comment on this article

Leave a Reply

Your email address will not be published.

Take Me Top