14/06/2021

THAILAND DAILY

NEWSPAPER / MAGAZINE / PUBLISHER

ໂຄງການຍົກລະດັບເສັ້ນທາງ-3-ແຍກທົ່ງຄູນ-ຫາ-ເຂື່ອນໄຟຟ້ານ້ຳງື່ມ-2-ຈະສໍາເລັດໃນປີ-2023

ໂຄງການຍົກລະດັບເສັ້ນທາງ 3 ແຍກທົ່ງຄູນ ຫາ ເຂື່ອນໄຟຟ້ານ້ຳງື່ມ 2 ຈະສໍາເລັດໃນປີ 2023

ໂຄງການຍົກລະດັບເສັ້ນທາງ 3 ແຍກທົ່ງຄູນ ຫາ ເຂື່ອນໄຟຟ້ານ້ຳງື່ມ 2 ແຂວງ ໄຊສົມບູນ ແມ່ນເປັນໜຶ່ງໃນຫຼາຍໂຄງການທີ່ແນໃສ່ເພື່ອປັບປຸງ ເເລະ ກໍ່ສ້າງເສັ້ນທາງໃໝ່ໃຫ້ໄປມາໄດ້ສະດວກຂື້ນ ຊຶ່ງໄດ້ເລີ່ມກໍ່ສ້າງມາແຕ່ທ້າຍປີ 2020 ແລະ ຈະໃຫ້ສຳເລັດພາຍໃນຕົ້ນປີ 2023.

ເສັ້ນທາງດັ່ງກ່າວ ມີຄວາມຍາວ ທັງໝົດ 25 ກີໂລແມັດ, ມູນຄ່າໃນການກໍ່ສ້າງ ທັງໝົດ 163 ຕື້ກ່ວາກີບ, ໂດຍແມ່ນ ບໍລິສັດ ວຽງວອນ ຈຳກັດຜູ້ດຽວ ແລະ ບໍລິສັດ ພີເອັດ ກໍ່ສ້າງ ແລະ ທ່ອງທ່ຽວ ຈຳກັດຜູ້ດຽວຮັບເໝົາກໍ່ສ້າງ ແລະ ກົມໃຫຍ່ພະລາທິການກອງທັບ  ເປັນເຈົ້າຂອງໂຄງການ.

ພິທີເຊັນສັນຍາໂຄງການດັ່ງກ່າວ ໄດ້ຈັດຂຶ້ນໃນວັນທີ 29 ມີນາ 2021 ຜ່ານມານີ້ ທີ່ຫ້ອງປະຊຸມຂອງກອງກໍ່ສ້າງຮາກຖານການເມືອງ ພັດທະນາ 3 ຈຸດສຸມ ແຂວງ ຊຶ່ງຮ່ວມລົງນາມ ໂດຍ ທ່ານ ພັນເອກ ສີພອນໄຊ ຄຳທອງເຫວີນ ຫົວໜ້າກົມເສດຖະກິດ ກະຊວງປ້ອງກັນປະເທດ ຄະນະຊີ້ນຳວຽກງານກໍ່ສ້າງຮາກຖານກາເມືອງ ພັດທະນາ 3 ຈຸດສຸມ ແຂວງໄຊສົມບູນ, ທ່ານ ວຽງວອນ ຈັນມາລາ ປະທານ ບໍລິສັດ ວຽງວອນ ຈຳກັດຜູ້ດຽວ ແລະ ທ່ານ ພູນໄຊ ພູນມີໄຊ ປະທານ ບໍລິສັດ ພີເອັດ ກໍາສ້າງ ແລະ ທ່ອງທ່ຽວ ຈຳກັດຜູ້ດຽວ.

ຂໍ້ມູນ: ພຸດທະພອນ ລັດດານາວ

Comments

be the first to comment on this article

Leave a Reply

Your email address will not be published. Required fields are marked *

Take Me Top