09/12/2021

THAILAND DAILY

NEWSPAPER / MAGAZINE / PUBLISHER

ເມືອງຫ້ວຍຊາຍ-ປິດການເຂົ້າ-ອອກເຂດບ້ານ-ພິບຸນທອງ-ແລະ-ຕະຫຼາດສີດອນມີເປັນການ-ຊົ່ວຄາວ

ເມືອງຫ້ວຍຊາຍ ປິດການເຂົ້າ-ອອກເຂດບ້ານ ພິບຸນທອງ ແລະ ຕະຫຼາດສີດອນມີເປັນການ ຊົ່ວຄາວ

ອໍານາດການປົກຄອງເມືອງຫ້ວຍຊາຍ  ແຂວງບໍ່ແກ້ວ ໄດ້ອອກແຈ້ງການເມື່ອມໍ່ໆມານີ້ ໃຫ້ປິດ ການເຂົ້າ-ອອກເຂດບ້ານ ພິບຸນທອງ ແລະ ຕະຫຼາດສີດອນມີ​ ເປັນເວລາ 10 ວັນ ນັບແຕ່ວັນທີ 26 ສິງຫາ ຫາ 8 ກັນຍາ 2021 ນີ້ ພາຍຫຼັງທີ່ໄດ້ກວດພົບຜູ້ຕິດເຊື້ອພະຍາດໂຄວິດ-19 ຮອບໃໝ່ ໃນຊຸມຊົນ 1 ຄົນ  ຢູ່ບ້ານດັ່ງກ່າວ ທັງນີ້ກໍ່ເພື່ອເປັນການປ້ອງກັນ ແລະ ສະກັດກັ້ນການແຜ່ລະບາດຂອງ ພະຍາດດັ່ງກ່າວບໍ່ໃຫ້ແຜ່ຂະຫຍາຍເປັນວົງກວ້າງ.

ບ້ານ ພິບູນທອງ ໄດ້ກວດພົບຜູ້ຕິດເຊື້ອ ພະຍາດໂຄວິດ-19 ຈໍານວນ 1 ຄົນ ຈຶ່ງກໍານົດເປັນເຂດ ບ້ານ ສີແດງ, ໂດຍໃຫ້ປິດການສັນຈອນໄປ-ມາພາຍໃນບ້ານ, ຍົກເວັ້ນເຈົ້າໜ້າທີ່, ພະນັກງານທີ່ປະຈໍາການ, ກວດກາລາດຕະເວນ, ຄົນເຈັບທີ່ຕ້ອງໄດ້ຮັບການປິ່ນປົວໂດຍດ່ວນ ແລະ ຜູ້ອອກໄປຊື້ເຄຶ່ອງບໍລິໂພກ.

ນອກນັ້ນ ໃຫ້ປິດການບໍລິການຕະຫຼາດສີດອນມີ, ຮ້ານອາຫານ, ຮ້ານກິນດື່ມ, ຮ້ານຕັດຜົມ ແລະ ຮ້ານເສີມຄວາມງາມ ໃນບໍລິເວນບ້ານ ພິບູນທອງ ເປັນການຊົ່ວຄາວ.ພ້ອມກັນນັ້ນ ຄະນະສະເພາະກິດ ຂັ້ນເມືອງຫ້ວຍຊາຍ ຍັງໃຫ້ກໍານົດບ້ານ ປາກຮາວເໜືອ, ບ້ານ ປາກຮາວໃຕ້, ບ້ານ ອຸດົມ, ບ້ານ ມົກກະຈອກ, ບ້ານ ຂອນແກ້ວ ບ້ານ ດອນຄູນ ແລະ ບ້ານ ຫ້ວຍມອນ ເປັນບ້ານ ສີເຫຼືອງ ທີ່ຕ້ອງໄດ້ເຝົ້າລະວັງ ຈໍາກັດການເຂົ້າອອກຂອງປະຊາຊົນພາຍໃນ ບ້ານ ຢ່າງເຂັ້ມງວດ.

Comments

be the first to comment on this article

Leave a Reply

Your email address will not be published. Required fields are marked *

Take Me Top