19/10/2021

THAILAND DAILY

NEWSPAPER / MAGAZINE / PUBLISHER

ເປັນຄັ້ງທຳອິດທີ່ລາວກວດພົບຜູ້ຕິດເຊື້ອພະຍາດໂຄວິດ-19-ໃນຊຸມຊົນສູງເຖິງ-666-ຄົນ

ເປັນຄັ້ງທຳອິດທີ່ລາວກວດພົບຜູ້ຕິດເຊື້ອພະຍາດໂຄວິດ-19 ໃນຊຸມຊົນສູງເຖິງ 666 ຄົນ

ສະພາບການແຜ່ລະບາດຂອງພະຍາດໂຄວິດ-19 ຢູ່ປະເທດລາວ ຍັງໜ້າເປັນຫ່ວງໂດຍສະເພາະຍັງກວດພົບຜູ້ຕິດເຊື້ອໃນຊຸມຊົນຫຼາຍກວ່າກໍລະນີນຳເຂົ້າ.

ຄະ​ນະ​ສະ​ເພາະ​ກິດ​ເພື່ອ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ແຈ້ງ​ໃຫ້​ຮູ້​ໃນ​ວັນ​ທີ 23 ກັນ​ຍາ 2021 ນີ້​ວ່າ: ການກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ໃນ​ວັນ​ທີ 22 ກັນ​ຍາ 2021 ທີ່ຜ່ານມາ  ຈາກ​ຈຳ​ນວນ​ທັງ​ໝົດ 5.652 ຕົວ​ຢ່າງ ໃນ​ທົ່ວ​ປະ​ເທດນັ້ນ ໄດ້ກວດ​ພົບ​ຜູ້​ຕິດ​ເຊື້ອ​ເພີ່ມ​ໃໝ່ 694 ຄົນ ຊຶ່ງ ໃນນີ້ 666 ຄົນ ຕິດ​ໃນ​ຊຸມ​ຊົນ.

ໃນ​ຈຳ​ນວນ​ຜູ້​ຕິ​ດ​ເຊື້ອເພີ່ມໃໝ່​ນັ້ນ ແມ່ນ​ຢູ່​ນະ​ຄອນ ​ຫຼວງວຽງຈັນ 568 ຄົນ (5 ຄົນນຳເຂົ້າ ແລະ 563 ຄົນຕິດໃນຊຸມຊົນ), ແຂວງ ຊຽງຂວາງ 2 ຄົນ (ຕິດໃນຊຸມຊົນ), ແຂວງ ຫຼວງພະບາງ 5 ຄົນ (ຕິດໃນຊຸມຊົນ), ແຂວງ ຫຼວງນ້ຳທາ 5 ຄົນ (ຕິດໃນຊຸມຊົນ), ແຂວງ ວຽງຈັນ 4 ຄົນ (ຕິດໃນຊຸມຊົນ), ແຂວງ ບໍລິຄຳໄຊ 5 ຄົນ (ຕິດໃນຊຸມຊົນ), ແຂວງ ຄໍາມ່ວນ 26 ຄົນ (1 ຄົນ​ນຳ​ເຂົ້າ ແລະ 25 ຄົນຕິດໃນຊຸມຊົນ), ແຂວງ ສາລະວັນ 14 ຄົນ (13 ຄົນນໍາເຂົ້າ ແລະ 1 ຄົນຕິດໃນຊຸມຊົນ), ແຂວງ ສະຫວັນນະເຂດ 15 ຄົນ (5 ຄົນນໍາເຂົ້າ ແລະ 10 ຄົນຕິດໃນຊຸມຊົນ), ແຂວງ ຈໍາປາສັກ 50 ຄົນ (4 ຄົນນຳ​ເຂົ້າ ແລະ 46 ຄົນຕິດໃນຊຸມຊົນ)

ຮອດປັດຈຸບັນ, ປະ​ເທດ​ລາ​ວ ມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 20.646 ຄົນ, ຍັງນອນປິ່ນປົວ  4.861 ຄົນ ແລະ ເສຍຊີວີດ 16 ຄົນ.

Comments

be the first to comment on this article

Leave a Reply

Your email address will not be published. Required fields are marked *

Take Me Top