18/05/2022

THAILAND DAILY

NEWSPAPER / MAGAZINE / PUBLISHER

ເດືອນພະຈິກ-ມີຜູ້ເສຍຊີວິດເຖິງ-53-ຄົນ-ຈາກອຸບັດເຫດ

ເດືອນພະຈິກ ມີຜູ້ເສຍຊີວິດເຖິງ 53 ຄົນ ຈາກອຸບັດເຫດ

ສະພາບອຸບັດເຫດຕາມທ້ອງຖະໜົນໃນຂອບເຂດທົ່ວປະເທດຍັງໜ້າເປັນຫ່ວງ ແລະ ມີທ່າອ່ຽງເພີ່ມຂຶ້ນເຖິງແມ່ນວ່າເຈົ້າໜ້າທີ່ຕໍາຫຼວດ ຈະໃຊ້ມາດຕະການຕ່າງໆເພື່ອຫຼຸດຜ່ອນອຸບັດເຫດກໍ່ຕາມ, ໂດຍສະເພາະໃນໄລຍະທີ່ມີການເພີ່ມທະວີໃນການປ້ອງກັນການແຜ່ລະບາດຂອງພະຍາດໂຄວິດ-19 ນີ້​ ກໍ່ຍັງມີຜູ້ເສຍຊີວິດເຖິງ 53 ຄົນ ຈາກອຸບັດເຫດຕາມທ້ອງຖະໜົນສະເພາະເດືອນພະຈິກ 2021 ທີ່ຜ່ານມານີ້. 

ກົມ​ຕຳ­ຫຼວດ​ຈະ­ລາ­ຈອນ ກະ­ຊວງ​ປ້ອງ​ກັນ​ຄວາມ​ສະ­ຫງົບ ແຈ້ງໃຫ້ຮູ້ເມື່ອບໍ່ດົນມານີ້ວ່າ: ສະເພາະເດືອນພະຈີກ 2021 ຜ່ານມານີ້ ມີຜູ້ເສຍຊີວິດເຖິງ 53 ຄົນ, ບາດເຈັບ 450 ຄົນ ແລະ ມີພາຫະນະເປ່ເພ 552 ຄັນ ຈາກອຸບັດເຫດເກີດຂຶ້ນທັງໝົດ 355 ກໍລະນີ ໃນທົ່ວປະເທດ ແຕ່ເມື່ອທຽບກັບຜູ້ເສຍຊີວິດໃນເດືອນຕຸລາ ທີ່ຜ່ານມາ ແມ່ນເພີ່ມຂຶ້ນ 8 ຄົນ ຊຶ່ງມີຜູ້ເສຍຊີວິດ 45 ຄົນ.

ກົມ​ຕຳ­ຫຼວດ​ຈະ­ລາ­ຈອນ ກະ­ຊວງ​ປ້ອງ​ກັນ​ຄວາມ​ສະ­ຫງົບແຈ້ງໃຫ້ຮູ້ຕື່ມອີກວ່າ: ອຸບັດເຫດເກີດຂຶ້ນສ່ວນໃຫຍ່ ແມ່ນເກິດຈາກການລະເມີດກົດລະບຽບການສັນຈອນຂອງຜູ້ຂັບຂີ່ ໂດຍສະເພາະ ຂັບ​ຂີ່​ໄວ​ເກີນ​ກຳ­ນົດ, ແຊງ​ຊ້າຍ-ຂວາ​ບໍ່​ຮັບ­ປະ­ກັນ ແລະ ອື່ນໆ, ຮ້າຍແຮງກ່ວານັ້ນ ຜູ້ຂັບຂີ່ຍັງດື່ມສິ່ງມຶນເມົາ ເປັນສາຍເຫດຂອງການເກີດອຸ­ບັດ­ເຫດຕາມທ້ອງຖະໜົນ, ໃນນັ້ນ ອຸບັດຕິເຫດສ່ວນຫຼາຍແມ່ນເກີດນັບ ແຕ່ເວລາ 17:00-24:00 ໃນກຸ່ມອາຊີບຊາວນາ, ກໍາມະກອນ ແລະ ກຸ່ມນັກຮຽນ-ນັກສຶກສາ.

ຂໍ້ມູນ: ກົມ​ຕຳ­ຫຼວດ​ຈະ­ລາ­ຈອນ

ຮູບ: ໜ່ວຍກູ້ໄພ

Comments

be the first to comment on this article

Leave a Reply

Your email address will not be published. Required fields are marked *

Take Me Top