20/10/2021

THAILAND DAILY

NEWSPAPER / MAGAZINE / PUBLISHER

ເຈົ້າໜ້າທີ່-ປກຊ-ແລະ-ປກສ-ເພີ່ມຄວາມເຂັ້ມງວດ-ຕໍ່ຜູ້ລະເມີດມາດຕະການຕ້ານໂຄວິດ-19

ເຈົ້າໜ້າທີ່ ປກຊ ແລະ ປກສ ເພີ່ມຄວາມເຂັ້ມງວດ ຕໍ່ຜູ້ລະເມີດມາດຕະການຕ້ານໂຄວິດ-19

ກົມໃຫ່ຍເສນາທິການກອງທັບ, ກະຊວງປ້ອງກັນປະເທດ (ປກຊ) ໄດ້ອອກຄຳສັ່ງໃຫ້ກຳລັງ ປກຊ ສົມທົບກັບ ກຳລັງປ້ອງກັນຄວາມສະຫງົບນະຄອນຫຼວງວຽງຈັນ ເພີ່ມຄວາມເຂັ້ມງວດຕໍ່ຜູ້ລະເມີດມາດຕະການປ້ອງກັນ, ສະກັດກັ້ນ ແລະຄວບຄຸມການແຜ່ລະບາດຂອງເຊື້ອພະຍາດໂຄວິດ-19 ເລີ່ມແຕ່ວັນທີ 16 ຫາ 30 ກັນຍາ 2021.

ຄຳສັ່ງດັ່ງກ່າວ ແມ່ນມອບໃຫ້ກອງພັນໃຫ່ຍ 279 ນຳໃຊ້ກຳລັງ 4 ສະຫາຍ ແລະ ລົດສະຫຼາມ 1 ຄັນ ຮັບຜິດຊອບເຄື່ອນໄຫວຂອບເຂດເມືອງໄຊທານີ ແລະ ເມືອງໄຊເສດຖາ, ກອງພັນໃຫ່ຍ 11 ນຳໃຊ້ກຳລັງ 4ສະຫາຍ ແລະ ລົດສະຫຼາມ 1ຄັນ ຮັບຜິດຊອບຂອບເຂດເມືອງນາຊາຍທອງ ແລະ ເມືອງຈັນທະບູລີ, ກອງບັນຊາການທະຫານນະຄອນ ຫຼວງ ນຳໃຊ້ກຳລັງ 8 ສະຫາຍ ລົດກະບະ 2 ຄັນ ຮັບຜິດຊອບເຄື່ອນໄຫວຂອບເຂດເມືອງ ຫາດຊາຍຟອງ, ສີສັດຕະນາກ, ສີໂຄດຕະບອງ, ສັງທອງ ແລະ ເມືອງປາກງື່ມ ແລະ ຊີ້ນຳກຳລັງທະຫານທີ່ປະຈຳຢູ່ຊາຍແດນທິດຕາເວັນຕົກ ເພີ່ມທະວີຄວາມຮັບຜິດຊອບໃຫ້ສູງຂຶ້ນ.

ນອກນັ້ນ ແມ່ນໃຫ້ປະສານສົມທົບກັບ ກອງບັນຊາການ ປກສ ນະຄອນຫຼວງວຽງຈັນ ແລະ ອຳນາດການປົກຄອງທ້ອງຖີ່ນເຄື່ອນໄຫວຕິດຕາມ ການຊຸມແຊວ, ຮ້ານກິນດື່ມ, ຮ້ານບັນເທີງ ຖ້າພົບເຫັນຕ້ອງສຶກສາອົບຮົມ ແລະ ກ່າວເຕືອນ ໃຫ້ສັງຄົມເຂົ້າຮ່ວມໃນການປ້ອງກັນ, ສະກັດກັ້ນ ແລະ  ຄວບຄຸມ ການແຜ່ລະບາດພະຍາດໂຄວິດ-19 ຢູ່ນະຄອນຫຼວງວຽງຈັນ ໃຫ້ມີຄວາມເປັນລະບຽບ ຮຽບຮ້ອຍ.

Comments

be the first to comment on this article

Leave a Reply

Your email address will not be published. Required fields are marked *

Take Me Top