06/12/2021

THAILAND DAILY

NEWSPAPER / MAGAZINE / PUBLISHER

ສະຫວັນນະເຂດແລະຄໍາມ່ວນຍັງໜ້າເປັນຫ່ວງ-ມີຜູ້ຕິດເຊື້ອໃນຊຸມຊົນສູງ

ສະຫວັນນະເຂດແລະຄໍາມ່ວນຍັງໜ້າເປັນຫ່ວງ ມີຜູ້ຕິດເຊື້ອໃນຊຸມຊົນສູງ

ມື້ວັນທີ 7 ກັນ​ຍາ 2021 ນີ້ ສປປ ລາວກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 307 ຄົນ ໃນນີ້ ມີຜູ້ຕິດເຊື້ອໃນຊຸມຊົນເຖິງ 86 ຄົນ ຈາກຜູ້ໄດ້ກວດວິເຄາະກວດຫາເຊື້ອທັງໝົດ 4.159 ຄົນໃນຂອບເຂດທົ່ວປະເທດ. ແຂວງສະຫວັນນະເຂດແລະແຂວງຄໍາມ່ວນໜ້າເປັນຫ່ວງ ມີຍອດຜູ້ຕິດເຊື້ອໃນຊຸມຊົນມື້ນີ້ສູງ, ເຊີ່ງ ສະຫວັນນະເຂດມີ 221 ຄົນ (195 ຄົນນໍາເຂົ້າ ແລະ 26ຄົນຕິດໃນຊຸມຊົນ) ແລະ ຄໍາມ່ວນມີ 31 ຄົນ ( 2 ຄົນນໍາເຂົ້າ ແລະ 29 ຄົນຕິດໃນຊຸມຊົນ), ປັດຈຸບັນນີ້, ສອງແຂວງດັ່ງກ່າວໄດ້ມີມາດຕະການລ໋ອກດາວ (lockdown) ເທດສະບານເມືອງຂອງຕົນເປັນທີ່ຮຽບຮ້ອຍ.

ຂະນະດງວກັນ ນະຄອນຫຼວງມື້ນີ້ມີຜູ້ຕິດເຊື້ອຊຸມຊົນ 1 ກໍລະນີ ເປັນເດັກ 6 ປີ ຢູ່ບ້ານດອນດູ່  ເປັນລູກຂອງຜູ້ຕິດເຊື້ອທີ່ລາຍງານຜ່ານມາ  ຢູ່ໃນໄລຍະກັກຕົວ ກວດເທື່ອທີ 2 ມື້ວານນີ້ ຜົນອອກ ພົບເຊື້ອບວກມື້ນີ້, ແຂວງບໍ່ແກ້ວມີ  13 ຄົນ (ຕິດໃນຊຸມຊົນ), ​ຫລວງ​ພະ​ບາງ 1 ຄົນ (ຕິດ​ໃນ​ຊຸມ​ຊົນ), ​ຫລວງ​ນ້ຳ​ທາ 2 ຄົນ (ຕິດໃນຊຸມຊົນ), ສາລະວັນ 14 ຄົນ (ນໍາເຂົ້າ ແລະ 4 ຄົນ​ຕິດ​ໃນ​ຊຸມ​ຊົນ),  ແລະ ຈໍາປາສັກ 24 ຄົນ (14  ຄົນນໍາເຂົ້າ ແລະ 10 ຄົນ ຕິດໃນຊຸມຊົນ).

ຮອດປັດຈຸບັນນີ້, ມີຜູ້ຕິດເຊື້ອສະສົມຈາກພະຍາດດັ່ງກ່າວແລ້ວ 16.365 ຄົນ ໃນນີ້ປິ່ນປົວຫາຍດີ 11.346 ຄົນ, ຍັງນອນປິ່ນປົວ  5.019 ຄົນ ແລະ ເສຍຊີວີດ 16 ຄົນ.

Comments

be the first to comment on this article

Leave a Reply

Your email address will not be published. Required fields are marked *

Take Me Top