18/01/2022

THAILAND DAILY

NEWSPAPER / MAGAZINE / PUBLISHER

ລູກຊາຍ-ໃຊ້ພ້າຂໍຟັນຄໍພໍ່-ຈົນເສຍຊິວິດ-ສາຍເຫດຍ້ອນຖຶກພໍ່ຮ້າຍດ່າ

ລູກຊາຍ ໃຊ້ພ້າຂໍຟັນຄໍພໍ່ ຈົນເສຍຊິວິດ ສາຍເຫດຍ້ອນຖຶກພໍ່ຮ້າຍດ່າ

ເຈົ້າໜ້າທີ່ ປກສ ເມຶອງໂພນໂຮງ ແຂວງ ວຽງຈັນ ແຈ້ງໃຫ້ຮູ້ວ່າ: ໄດ້ມີເຫດການລູກຊາຍກໍ່ເຫດຄາດຕະກໍາພໍ່ ໂດຍໃຊ້ພ້າຂໍຟັນຄໍ ຈົນເສຍຊິວິດຄາທີ່ ຍ້ອນຖຶກພໍ່ຮ້າຍດ່າ, ຊຶ່ງຜູ້ກໍ່ເຫດ ຊື່ທ້າວ ກ້ານ ອາຍຸ 34 ປີ (ລູກຊາຍ) ແລະ ຜູ້ເສຍຊິວິດ ຊື່ທ້າວ ກອງສີ ອາຍຸ 66 ປີ (ພໍ່), ໂດຍເຫດການດັ່ງກ່າວ ເກີດຂຶ້ນຢູ່ບ້ານໂພນຫໍ ເມືອງໂພນໂຮງ ແຂວງ ວຽງຈັນ, ເມື່ອວັນທີ 23 ສີງຫາ 2021 ຜ່ານມານີ້.

ເຈົ້າໜ້າທີ່ ປກສ ເມຶອງໂພນໂຮງ ແຂວງ ວຽງຈັນ ໄດ້ເປີດເຜີຍວ່າ: ຈາກຄໍາໃຫ້ການໃນເບື້ອງຕົ້ນ, ຜູ້ກໍ່ເຫດມີຄວາມແຄ້ນໃຫ້ພໍ່ ເກັບໄວ້ໃນໃຈ ປະມານ 2 ອາທິດ, ຍ້ອນຖຶກພໍ່ຮ້າຍດ່າຕະຫຼອດເວລາ ແລະ ຮ້າຍຍາມໃດ ຈົ່ມບອກໃຫ້ຜູ້ກ່ຽວໄປຕາຍ. ກ່ອນເກີດເຫດດັ່ງກ່າວ, ຜູ້ເສຍຊິວິດ ໄດ້ນັ່ງກິນເຂົ້າຢູ່ຖຽງນາ ແລະ ທ້າວ ກ້ານ ກໍ່ໄດ້ນັ່ງຫຼິ້ນຢູ່ໜ້າຖຽງນາ, ພາຍຫຼັງ ພໍ່ກິນເຂົ້າແລ້ວ ກໍ່ໄປນອນຢູ່ຕຽງກ້ອງຕົ້ນໄມ້ ຫ່າງຈາກຖຽງປະມານ 10 ແມັດ, ໃນເວລານັ້ນ ຜູ້ກໍ່ເຫດ ຈຶ່ງມີຄວາມຄິດຢາກຂ້າພໍ່ຂຶ້ນມາທັນທີ, ຈາກນັ້ນ ຜູ້ກໍ່ເຫດ ຈຶ່ງໄດ້ຍ່າງໄປຈັບເອົາພ້າຂໍ ຍາວປະມານ 60 ຊັງຕີແມັດ ແລ້ວຍ່າງໄປຫາພໍ່ ເມື່ອໄປຮອດກໍເຫັນພໍ່ນອນສະແຄງ ຈຶ່ງຍົກພ້າຂຶ້ນຟັນກ້ານຄໍເບື້ອງຊ້າຍ 1 ບາດ ເຫັນເລືອດໄຫຼອອກມາ ຈຶ່ງຟັນຊໍ້າອີກຄັ້ງທີ 2 ແລະ ຄັ້ງທີ 3 ໂດຍຟັນໃສ່ບ່ອນເກົ່າ, ເມື່ອຮູ້ວ່າພໍ່ເສຍຊິວິດແລ້ວ ຈຶ່ງໄດ້ຖຶພ້າຍ່າງໄປຫາພໍ່ຕູ້ປູ່ທີ່ນັ່ງຢູ່ຕູບ ພ້ອມທັງບອກວ່າ ເຮົາຂ້າພໍ່ໄດ້ແລ້ວ, ຈາກນັ້ນ ຜູ້ກໍ່ເຫດ ໄດ້ໄປອາບນໍ້າປ່ຽນເຄື່ອງນຸ່ງ ແລ້ວມານັ່ງຢູ່ລົດໄຖນາ ແລ້ວຈຶ່ງຖຶກເຈົ້າໜ້າທີ່ເຂົ້າຈັບຕົວ ແລະ ນໍາຜູ້ກ່ຽວໄປດໍາເນີນຄະດີຕາມລະບຽບກົດໝາຍ.

ໃນໄລຍະຜ່ານມາ, ຜູ້ກໍ່ເຫດ ເຄີຍຖຶກເຈົ້າໜ້າທີ່ກັກຕົວມາແລ້ວ 1 ຄັ້ງ ໃນຂໍ້ຫາມົ້ວສຸມຢາເສບຕຶດ.​

ຂໍ້ມູນຂ່າວ: ປກສ 

Comments

be the first to comment on this article

Leave a Reply

Your email address will not be published. Required fields are marked *

Take Me Top