28/06/2022

THAILAND DAILY

NEWSPAPER / MAGAZINE / PUBLISHER

ລາວ​ຍັງ​ມີ​ຜູ້​ເສຍ​ຊີ​ວິດ​ຈາກ​ພະ​ຍາດ​ໂຄວິດ-19-ເປັນ​ລາຍ​ວັນ

ລາວ​ຍັງ​ມີ​ຜູ້​ເສຍ​ຊີ​ວິດ​ຈາກ​ພະ​ຍາດ​ໂຄວິດ-19 ເປັນ​ລາຍ​ວັນ

​​ການ​ແຜ່​ລະ​ບາດ​ຂອງ​​ພະ​ຍາດ​ໂຄວິດ-19 ຢູ່ປະ​ເທດ​ລາວນີ້ ​ເຫັນ​ໄດ້​ວ່າ​ມີຈຳ​ນວນ​ຜູ້​ຕິດ​ເຊື້ອ​​ຫຼຸດ​ລົງ​ ​ຖ້າ​ທຽບ​ໃສ່​ເດືອນ ມີ​ນາ ຫາ​ຕົ້ນ​ເດືອນ ເມ​ສາ ທີ່​ຜ່ານ​ມາ ​ຊຶ່ງ​ພົບ​ຜູ້​ຕິດ​ເຊື້ອ​ສູງ​ເຖິງ 1000 ກວ່າ​ຄົນ, ​ເຖິງ​ວ່າຈະ​ມີ​ຜູ້​ຕິດ​ເຊື້ອ​ພະ​ຍາດ​ດັ່ງ​ກ່າວຫຼຸດ​ລົງ ແຕ່​ຍັງ​ມີ​ລາຍ​ງານ​ຜູ້​ເສຍ​ຊີ​ວິດ​​ລາຍ​ວັນ.

ຄະ​ນະ​ສະ​ເພາະ​ກິດ​ເພື່ອ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຖະແຫຼງຂ່າວປະຈຳວັນທີ 29 ເມ​ສາ 2022 ນີ້​ໃຫ້ຮູ້ວ່າ: ການກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ໃນ​ວັນ​ທີ 28 ເມ​ສາ  2022 ທີ່ຜ່ານມາໄດ້ເກັບຕົວຢ່າງມາກວດວິເຄາະ​ທັງ​ໝົດ 1.917 ຕົວ​ຢ່າງ, ​ກວດພົບ​ຜູ້​ຕິດ​ເຊື້ອ​ເພີ່ມ​ໃໝ່ 315 ຄົນ, ໃນນີ້ 306 ຄົນຕິດ​ເຊື້ອພາຍໃນ.

ໃນ​ຈຳ​ນວນ​ຜູ້​ຕິ​ດ​ເຊື້ອເພີ່ມໃໝ່​ນັ້ນແມ່ນຕິດເຊື້ອນຳເຂົ້າມີ 9 ຄົນ ແມ່ນຢູ່ນະ​ຄອນຫຼວງວຽງ​ຈັນ 3 ຄົນ, ແຂວງ ຄຳ​ມ່ວນ 2 ຄົນ, ແຂວງ ສະຫວັນນະເຂດ 1 ຄົນ ແລະ ແຂວງ ຈຳ​ປາ​ສັກ 3 ຄົນ; ຕິດເຊື້ອພາຍໃນທີ່ມີເຖິງ 306 ຄົນແມ່ນຢູ່ນະຄອນຫຼວງວຽງຈັນ 189 ຄົນ, ແຂວງ ຫຼວງພະບາງ 13 ຄົນ, ແຂວງ ຜົ້ງ​ສາ​ລີ 2 ຄົນ, ແຂວງ ບໍ່​ແກ້ວ 3 ຄົນ, ແຂວງ ຫົວພັນ 9 ຄົນ, ແຂວງ ຊຽງຂວາງ 5 ຄົນ, ແຂວງ ໄຊຍະບູລີ 6 ຄົນ, ແຂວງ ອຸດົມໄຊ 7 ຄົນ, ແຂວງ ວຽງຈັນ 29 ຄົນ, ແຂວງ ໄຊສົມບູນ 2 ຄົນ, ແຂວງ ບໍລິຄຳໄຊ 5 ຄົນ, ແຂວງ ຄຳມ່ວນ 7 ຄົນ, ແຂວງ ສະຫວັນນະເຂດ 12 ຄົນ, ແຂວງ ສາ​ລະ​ວັນ 6 ຄົນ, ແຂວງ ຈຳ​ປາ​ສັກ 3 ຄົນ, ແຂວງ ເຊກອງ 2 ຄົນ ແລະ ແຂວງ ອັດຕະປື 6 ຄົນ. ສຳລັບມື້ນີ້ ມີຜູ້ປິ່ນປົວຫາຍດີອອກໂຮງໝໍ 49 ຄົນ, ເສຍ​ຊີ​ວິດ​ໃໝ່ 3 ຄົນ​ ( ​ຢູ່​​ນະ​ຄອນຫຼວງວຽງ​ຈັນ 1 ຄົນ, ແຂວງ ຫຼວງ​ພະ​ບາງ 1 ຄົນ ແລະ ແຂວງ ຄຳ​ມ່ວນ 1 ຄົນ ).

ຮອດປັດຈຸບັນ, ປະ​ເທດ​ລາ​ວ ມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 207.196 ຄົນ, ກຳລັງນອນປິ່ນປົວ 1.075 ຄົນ, ເສຍຊີວິດສະສົມ 743 ຄົນ.

Comments

be the first to comment on this article

Leave a Reply

Your email address will not be published.

Take Me Top