19/10/2021

THAILAND DAILY

NEWSPAPER / MAGAZINE / PUBLISHER

ມື້ນີ້ລາວຍັງກວດພົບຜູ້ຕິດເຊື້ອພະຍາດໂຄວິດ-19-ໃນຊຸມຊົນເຖິງ-46-ຄົນ

ມື້ນີ້ລາວຍັງກວດພົບຜູ້ຕິດເຊື້ອພະຍາດໂຄວິດ-19 ໃນຊຸມຊົນເຖິງ 46 ຄົນ

ມື້ວັນທີ 26 ສິງຫາ 2021 ນີ້ ລາວກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 195 ຄົນ, ໃນນີ້ຕິດເຊື້ອໃນຊຸມຊົນເຖິງ 46 ຄົນ.

ໃນຈຳນວນຜູ້ຕິດເຊື້ອເພີ່ມໃໝ່ 195 ຄົນນີ້ ແມ່ນຢູ່ນະຄອນຫຼວງວຽງຈັນ 52 ຄົນ ​(38 ຄົນກໍລະນີນໍາເຂົ້າ ແລະ 14 ຄົນຕິດໃນຊຸມຊົນ), ແຂວງບໍ່ແກ້ວ  15 ຄົນ (ຕິດໃນຊຸມຊົນ),  ໄຊຍະບູລີ 2 ຄົນ (ຕິດໃນຊຸມຊົນ), ອຸດົມໄຊ 1 ຄົນ (ຕິດໃນຊຸມຊົນ), ຫຼວງພະບາງ 5 ຄົນ  ( 2 ຄົນກໍລະນີນໍາເຂົ້າ ແລະ 3 ຄົນຕິດໃນຊຸມຊົນ), ບໍລິຄໍາໄຊ 4 ຄົນ (ກໍລະນີນໍາເຂົ້າ), ຄໍາມ່ວນ 12 ຄົນ (ກໍລະນີນໍາເຂົ້າ), ສາລະວັນ 15 ຄົນ (ກໍລະນີນໍາເຂົ້າ), ສະຫວັນນະເຂດ 41 ຄົນ (32 ຄົນ ກໍລະນີນໍາເຂົ້າ ແລະ 9 ຄົນຕິດໃນຊຸມຊົນ) ແລະ ແຂວງຈໍາປາສັກ 48 ຄົນ (46 ຄົນກໍລະນີນໍາເຂົ້າ ແລະ 2 ຄົນຕິດເຊື້ອໃນຊຸມຊົນ).

ຮອດປັດຈຸບັນ, ຈຳນວນຜູ້ຕິດເຊື້ອສະສົມມີ 14.104ຄົນ, ຍັງນອນປິ່ນປົວ 5.885 ຄົນ ແລະ  ເສຍຊີວິດ 12 ຄົນ (ເພີ່ມໃໝ່ 1 ຄົນແມ່ນເສຍຊີວິດເມື່ອວັນທີ 24 ສິງຫາ 2021 ທີ່ຜ່ານມາ ເປັນເພດຊາຍ ອາຍຸ 35 ປີ ເປັນນັກໂທດຢູ່ຄ້າຍຄຸມຂັງ ທີ່ແຂວງສະຫວັນນະເຂດ).

ຜູ້ຕິດເຊື້ອໃນຊຸມ​ຊົນ 14 ຄົນຢູ່ນະຄອນຫຼວງວຽງຈັນນັ້ນແມ່ນຢູ່ບ້ານສິມ​ມະ​ໂນເໜືອ 2 ຄົນ ແລະ ສິມມະໂນໃຕ້ 1 ຄົນ, ບ້ານດອນ​ດູ່ 6 ຄົນ, ບ້ານໜອງ​ແວງ 2 ຄົນ ແລະ ບ້ານດົງ​ໂພນ​ແຮ່ 1 ຄົນ (ເມືອງຫາດຊາຍຟອງ) ແລະ ທະ​ຫານ​ປ້ອງ​ກັນ​ຢູ່ ສູນ ມ​ຊ ອີກ 2 ຄົນ.

Comments

be the first to comment on this article

Leave a Reply

Your email address will not be published. Required fields are marked *

Take Me Top