18/10/2021

THAILAND DAILY

NEWSPAPER / MAGAZINE / PUBLISHER

ມື້ນີ້ລາວກວດພົບຜູ້ຕິດເຊື້ອພະຍາດໂຄວິດ-19-ເພີ່ມໃໝ່-170-ຄົນ

ມື້ນີ້ລາວກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 170 ຄົນ

ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ແຈ້ງໃຫ້ຮູ້ໃນວັນທີ 9 ສິງຫາ 2021 ນີ້ວ່າ: ມື້ນີ້ ສປປ ລາວກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 170 ຄົນ,

ໃນນີ້ ຢູ່ ນະ​ຄອນ​ຫຼວງວຽງ​ຈັນ 46 ຄົນ (44 ຄົນກໍ​ລະ​ນີ​ນຳ​ເຂົ້າ ແລະ 2 ຄົນຕິດເຊື້ອໃນຊຸມຊົນ), ແຂວງ ບໍ່ແກ້ວ 9 ຄົນ ( 9 ຄົນຕິດໃນຊຸມຊົນ), ແຂວງວຽງຈັນ 1 ຄົນ (ຕິດໃນຊຸມຊົນ), ຄໍາມ່ວນ 7 ຄົນ (ກໍລະນີນໍາເຂົ້າ), ສະຫວັນນະເຂດ 8 ຄົນ ( 2 ຄົນກໍ​ລະ​ນີນໍາເຂົ້າ ແລະ 6 ຄົນຕິດເຊື້ອໃນຊຸມຊົນ), ຈໍາປາສັກ 74 ຄົນ (71 ຄົນກໍ​ລະ​ນີ​ນຳ​ເຂົ້າ ແລະ 3 ຄົນຕິດເຊື້ອໃນຊຸມຊົນ) ແລະ ແຂວງ ສາລະວັນ 25 ຄົນ(ກໍລະນີນໍາເຂົ້າ).

ຮອດ​ປັດ​ຈຸ​ບັນລາວມີ​ຜູ້​ຕິດ​ເຊື້ອ​ພະ​ຍາດ​ໂຄວິດ-19 ສະ​ສົມ​ແລ້ວ 8.561 ຄົນ ໃນ​ນີ້ ປິ່ນ​ປົວ​ຫາຍ​ດີ ແລ້ວ 4.461 ຄົນ, ຍັງ​ນອນ​ປິ່ນ​ປົວ 4.092 ຄົນ ແລະ ເສຍ​ຊີ​ວິດ 8 ຄົນ.

ແຂວງທີ່ຕິດເຊື້ອພະຍາດໂຄວິດ-19 ສະສົມຫຼາຍກວ່າໝູ່ແມ່ນແຂວງສະຫວັນນະເຂດ, ຮອງລົງມາແມ່ນແຂວງຈໍາປາສັກ, ນະຄອນຫຼວງວຽງຈັນ, ສາລະວັນ, ບໍ່ແກ້ວ, ແຂວງວຽງຈັນ ແລະ ຄໍາມ່ວນຕາມລໍາດັບ.

ສະເພາະແຂວງທີ່ຍັງບໍ່ພົບຜູ້ຕິດເຊື້ອໃນການລະບາດຮອບໃໝ່ຂອງພະຍາດດັ່ງກ່າວມີຢູ່ 4 ແຂວງຄື: ແຂວງ ເຊກອງ, ໄຊສົມບູນ, ຫົວພັນ ແລະ ອັດຕະປື.

Comments

be the first to comment on this article

Leave a Reply

Your email address will not be published. Required fields are marked *

Take Me Top