16/05/2022

THAILAND DAILY

NEWSPAPER / MAGAZINE / PUBLISHER

ມື້ນີ້ມີຜູ້ຕິດເຊື້ອພະຍາດໂຄວິດ-19-ເພີ່ມໃໝ່-1.245-ຄົນ-ແລະ-ເສຍຊີວິດ-6-ຄົນ

ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 1.245 ຄົນ ແລະ ເສຍຊີວິດ 6 ຄົນ

ຄະ​ນະ​ສະ​ເພາະ​ກິດ​ເພື່ອ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຖະແຫຼງຂ່າວປະຈຳວັນທີ 15 ທັນວາ 2021 ນີ້​ໃຫ້ຮູ້ວ່າ: ການກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ໃນ​ວັນ​ທີ 14 ທັນວາ  2021 ທີ່ຜ່ານມາໄດ້ເກັບຕົວຢ່າງມາກວດວິເຄາະ​ທັງ​ໝົດ 5.792 ຕົວ​ຢ່າງ, ​ກວດພົບ​ຜູ້​ຕິດ​ເຊື້ອ​ເພີ່ມ​ໃໝ່ 1.245 ຄົນ, ໃນນີ້ 1.243 ຄົນຕິດ​ເຊື້ອພາຍໃນ.

ໃນ​ຈຳ​ນວນ​ຜູ້​ຕິ​ດ​ເຊື້ອເພີ່ມໃໝ່​ນັ້ນແມ່ນມີກໍລະນີນຳເຂົ້າພຽງ 2 ຄົນແມ່ນຢູ່ນະຄອນຫຼວງວຽງຈັນ 1 ຄົນ ແລະ ແຂວງ ຈຳປາສັກ 1 ຄົນ, ຕິດເຊື້ອພາຍໃນທີ່ມີເຖິງ 1.243 ຄົນແມ່ນຢູ່​ນະ​ຄອນ ​ຫຼວງວຽງຈັນ 616 ຄົນ, ແຂວງ ຜົ້ງສາລີ 12 ຄົນ, ແຂວງ ຫຼວງພະບາງ 123 ຄົນ, ແຂວງ ບໍ່ແກ້ວ 103 ຄົນ, ແຂວງ ຫົວພັນ 8 ຄົນ, ແຂວງ ຊຽງຂວາງ 12 ຄົນ, ແຂວງ ຫຼວງນ້ຳທາ 52 ຄົນ, ແຂວງ ໄຊຍະບູລີ 29 ຄົນ, ແຂວງ ອຸດົມໄຊ 108 ຄົນ, ແຂວງ ວຽງຈັນ 44 ຄົນ, ແຂວງ ໄຊສົມບູນ 17 ຄົນ, ແຂວງ ບໍລິຄຳໄຊ 18 ຄົນ, ແຂວງ ຄຳມ່ວນ 9 ຄົນ, ແຂວງ ສາລະວັນ 5 ຄົນ, ແຂວງ ສະຫວັນນະເຂດ 48 ຄົນ, ແຂວງ ຈໍາປາສັກ 26 ຄົນ, ແຂວງ ເຊກອງ 12 ຄົນ ແລະ ແຂວງ ອັດຕະປື 1 ຄົນ. ສຳລັບມື້ນີ້ ມີຜູ້ປິ່ນປົວຫາຍດີອອກໂຮງໝໍ 714 ຄົນ, ເສຍຊີວິດໃໝ່ 6 ຄົນ ( ຢູ່ນະຄອນຫຼວງວຽງຈັນ 3 ຄົນ ແລະ ແຂວງ ວຽງຈັນ 3 ຄົນ ).

ຮອດປັດຈຸບັນ, ປະ​ເທດ​ລາ​ວ ມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 93.061 ຄົນ, ກຳລັງນອນປິ່ນປົວ 12.015 ຄົນ, ເສຍຊີວິດສະສົມ 256 ຄົນ.

Comments

be the first to comment on this article

Leave a Reply

Your email address will not be published. Required fields are marked *

Take Me Top