24/09/2021

THAILAND DAILY

NEWSPAPER / MAGAZINE / PUBLISHER

ມື້ນີ້,ຜູ້ຕິດເຊື້ອໂຄວິດ-19-ເພີ່ມໃໝ່-440-ຄົນ,-ໃນນີ້ຕິດໃນຊຸມຊົນ-75-ຄົນ

ມື້ນີ້,ຜູ້ຕິດເຊື້ອໂຄວິດ-19 ເພີ່ມໃໝ່ 440 ຄົນ, ໃນນີ້ຕິດໃນຊຸມຊົນ 75 ຄົນ

ຕົວເລກຜູ້ຕິດເຊື້ອພະຍາດໂຄວິດ-19 ໃນມື້ວັນທີ 20 ສິງຫາ 2021 ນີ້ຖືວ່າເປັນຕົວເລກສະຖິຕິໃໝ່ຂອງຈໍານວນຜູ້ຕິດເຊື້ອພະຍາດໂຄວິດ-19 ຢູ່ ສປປ ລາວ ເພາະກວດພົບຜູ້ຕິດເຊື້ອສູງເຖິງ 440 ຄົນ ຊຶ່ງຜ່ານມາມີພຽງແຕ່ 381 ຄົນໃນມື້ວັນທີ 18 ສິງຫາ 2021 ແລະ ສິ່ງທີ່ໜ້າເປັນຫ່ວງຈາກຜູ້ຕິດເຊື້ອໃນມື້ນີ້ແມ່ນມີຜູ້ຕິດເຊື້ອໃນຊຸມຊົນເຖິງ 75 ຄົນ.

ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ໄດ້ຖະແຫຼງຂ່າວເມື່ອວັນທີ 20 ສິງຫາ 2021 ນີ້ວ່າ: ໃນມື້ວັນທີ 19 ສິງຫາ ທີ່ຜ່ານມາໄດ້ກວດວິເຄາະຫາເຊື້ອພະຍາດໂຄວິດ-19 ທັງໝົດ  3.317 ຕົວຢ່າງ,  (ນະຄອນຫຼວງ 750 ຕົວຢ່າງ, ສະຫວັນນະເຂດ 486 , ຈໍາປາສັກ 1.048) ຊຶ່ງຜົນກວດພົບວ່າມີຜູ້ຕິດເຊື້ອພະຍາດໂຄວິດ-19 ເຖິງ 440 ຄົນ ໃນນີ້ ຢູ່ນະຄອນຫຼວງ 101 ຄົນ (ກໍລະນີນໍາເຂົ້າ), ແຂວງບໍ່ແກ້ວ (ຕົ້ນເຜີ້ງ) 13 ຄົນ (ຕິດເຊື້ອໃນຊຸມຊົນ), ຫຼວງນໍ້າທາ 3 ຄົນ(ຕິດເຊື້ອໃນຊຸມຊົນເດີນທາງມາແຕ່ແຂວງບໍ່ແກ້ວ),  ຫຼວງພະບາງ 1 ຄົນ (ກໍລະນີນໍາເຂົ້າ), ໄຊຍະບູລີ 4 ຄົນ (ກໍລະນີນໍາເຂົ້າ), ຄໍາມ່ວນ 45 ຄົນ (ກໍລະນີນໍາເຂົ້າ), ສາລະວັນ 23 ຄົນ (ກໍລະນີນໍາເຂົ້າ), ສະຫວັນນະເຂດ 135 ຄົນ (77 ຄົນກໍລະນີນໍາເຂົ້າ ແລະ 58 ຄົນ ຕິດເຊື້ອໃນຊຸມຊົນ), ຈໍາປາສັກ 114 ຄົນ (ກໍລະນີນໍາເຂົ້າ)  ແລະ ເຊກອງ 1 ຄົນ(ຕິດເຊື້ອໃນຊຸມຊົນ). ຮອດປັດຈຸບັນນີ້ລາວກວດພົບຜູ້ຕິດເຊື້ອສະສົມຈາກພະຍາດໂຄວິດ-19 ແລ້ວ 11.753 ຄົນ ໃນນີ້ປິ່ນປົວຫາຍດີແລ້ວ7.138 ຄົນ, ຍັງນອນປິ່ນປົວ 4.604 ຄົນ ແລະ ເສຍຊີວິດ 11 ຄົນ (ເສຍຊີວິດເພີ່ມໃໝ່ 2 ຄົນ ໃນນີ້ 1 ຄົນເປັນເພດຊາຍຢູ່ແຂວງສະຫວັນນະເຂດ ແລະ 1 ຄົນເປັນເພດຍິງຢູ່ແຂວງຄໍາມ່ວນ).

Comments

be the first to comment on this article

Leave a Reply

Your email address will not be published. Required fields are marked *

Take Me Top