16/05/2022

THAILAND DAILY

NEWSPAPER / MAGAZINE / PUBLISHER

ມອບ-ຮັບ-ຫໍພັກນັກສຶກສາຂອງສູນພາສາເກົາຫຼີ

ມອບ-ຮັບ ຫໍພັກນັກສຶກສາຂອງສູນພາສາເກົາຫຼີ

ພິທີ​ມອບ-ຮັບ ຫໍພັກນັກສຶກສາຂອງສູນພາສາເກົາຫຼີ ດ້ວຍທຶນຊ່ວຍເຫຼືອລ້າຈາກສະມາຄົມ​ສີ​ລະ​ປະ ​ແລະ ​ແລກປ່ຽນ​ວັດທະນະ​ທຳ​ແຊ​ຮິງ ​ສ.​ເກົາຫຼີ ໄດ້ຈັດຂຶ້ນໃນວັນ​ທີ 21  ທັນວາ  2021 ຢູ່ສະ​ຖາ​ບັນ​ພັດ​ທະ​ນາ​ສີ​ມື​ແຮງ​ງານ​ລາວ-ເກົາ​ຫຼີ, ໂດຍການເຂົ້າຮ່ວມຂອງທ່ານ ນາງ ໃບຄຳ ຂັດທິຍະ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ແລະ ທ່ານ ນາງ HYUNSOOK YOO ປະທານສະມາຄົມ ສີລະປະ ແລະ ແລກປ່ຽນວັດທະນະທໍາແຊ່ຣລີ້ງ ພ້ອມດ້ວຍພາກສ່ວນທີ່ກ່ຽວຂ້ອງ.

ການປຸກສ້າງອາຄານ​ຫໍ​ພັກ​ນັກ​ສຶກສາສຳລັບ​ສູນ​ພາສາ​ເກົາຫຼີ ໃຫ້ສະຖາ​ບັນ​ພັດທະນາ​ສີມື​ແຮງ​ງານ ລາວ-​ເກົາຫຼີ ແມ່ນເລີ່ມມາແຕ່ປີ 2019​ ຊຶ່ງເປັນອາຄານ​ 2 ຊັ້ນ ຈຳນວນ 1 ຫຼັງ ຂະໜາດ 42X10=420 ຕາແມັດ ມູນ​ຄ່າ 461.101 ໂດລາສະຫະລັດ, ຊຶ່ງອາຄານດັ່ງກ່າວ ແມ່ນສໍາເລັດ100% ​ແລະ ສາມາດ​ບັນຈຸ​ນັກຮຽນ​ໄດ້  128 ຄົນ.

ຜົນການຮ່ວມມື ລະຫວ່າງ ສະຖາ​ບັນ​ພັດທະນາ​ສີມື​ແຮງ​ງານ ລາວ-​ເກົາຫຼີ ກັບ ສະມາຄົມ​ສີ​ລະ​ປະ ​ແລະ ​ແລກປ່ຽນ​ວັດທະນາ​ທຳ​ແຊ​ຮິງ ​ສ.​ເກົາຫຼີ ເລີ່ມແຕ່ປີ 2017-2021, ໃນໄລຍະ 5 ປີ ຜ່ານມາກະຊວງ ແຮງງານ ແລະ ສະຫວັດດີ ການສັງຄົມ ແລະ ກະຊວງຈັດຫາງານ ແລະ ແຮງງານ ສ.ເກົາຫຼີ ທີ່ໄດ້ເຊັນບົດບັນທຶກຄວາມເຂົ້າໃຈ ໃນຄັ້ງວັນທີ 9 ກັນຍາ 2016 ວ່າດ້ວຍ ການຝຶກອົບຮົມ, ຄັດເລືອກ ແລະ ຈັດສົ່ງ ແຮງງານ ລາວ ໄປເຮັດວຽກທີ່ ສ.ເກົາຫຼີ ມາຮອດ ວັນທີ 31 ມັງກອນ 2017 ສະມາຄົມ​ສີ​ລະ​ປະ ​ແລະ ​ແລກປ່ຽນ​ວັດທະນະ​ທຳ​ແຊ​ຮິງ ​ສ.​ເກົາຫຼີ ໄດ້ລົງນາມ ບົດບັນທຶກຄວາມເຂົ້າໃຈ ກັບ ສະຖາບັນພັດທະນາສີມືແຮງງານ ລາວ-ເກົາຫຼີ ວ່າດ້ວຍ ການຮ່ວມມື ຈັດສົ່ງແຮງງານລາວ ໄປ ສ.ເກົາຫຼີ ແລະ ສະມາຄົມ​ສີ​ລະ​ປະ ​ແລະ ​ແລກປ່ຽນ​ວັດທະນະທຳ​ແຊ​ຮິງ ​ສ.​ເກົາຫຼີ ໄດ້ເປີດການຮຽນ-ການສອນ ພາສາເກົາຫຼີ ແລະ ວັດທະນະທຳເກົາຫຼີ ໃນຫຼັກສູດ 45 ຊົ່ວໂມງ ໃນນັ້ນ ສອນພາສາເກົາຫຼີ 37 ຊົ່ວໂມງ, ຮຽນວັດທະນະທຳເກົາຫຼີ 8 ຊົ່ວໂມງ, ການຮຽນ-ການສອນ ໄດ້ຜ່ານການທົດສອບ ແລະ ຄັດເລືອກ ໂດຍຜ່ານລະບົບ EPS ຈຶ່ງສາມາດຈັດສົ່ງແຮງງານໄປເຮັດວຽກຢູ່ ສ.ເກົາຫຼີ, ຜ່ານການຈັດຕັ້ງປະຕິບັດ ການຮ່ວມມື ທີ່ຜ່ານມາ ແມ່ນມີຜົນດີພໍສົມຄວນ ແລະ ທາງ ສະມາຄົມ​ສີ​ລະ​ປະ ​ແລະ ​ແລກປ່ຽນ​ວັດທະນະທຳ​ແຊ​ຮິງ ​ສ.​ເກົາຫຼີ ສາມາດສອນພາສາເກົາຫຼີ ໃຫ້ແຮງງານລາວ ທີ່ສອບເສັງຜ່ານ ໄປເຮັດວຽກຢູ່ ປະເທດ ສ.ເກົາຫຼີ ໄດ້ 250 ຄົນ.

Comments

be the first to comment on this article

Leave a Reply

Your email address will not be published. Required fields are marked *

Take Me Top