18/01/2022

THAILAND DAILY

NEWSPAPER / MAGAZINE / PUBLISHER

ປິດການເຂົ້າ-ອອກ-ເມືອງສາລະວັນ-15-ວັນ-ນັບແຕ່ມື້ນີ້

ປິດການເຂົ້າ-ອອກ ເມືອງສາລະວັນ 15 ວັນ ນັບແຕ່ມື້ນີ້

ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ແຂວງສາລະວັນໄດ້ອອກແຈ້ງການເມື່ອມໍ່ໆມານີ້ໃຫ້ຮູ້ວ່າ: ນັບແຕ່ວັນທີ 5-19 ກັນຍາ 2021 ຈະມີການປິດການເຂົ້າ-ອອກເມືອງສາລະວັນ ແຂວງສາລະວັນ ຍ້ອນວ່າ ກໍລະນີຜູ້ຕິດເຊື້ອໃໝ່ ໃນຊຸມຊົນເມື່ອວັນທີ 2 ກັນຍາ ທີ່ຜ່ານມາ ຢູ່ເມືອງສາລະວັນ ມີການເດີນທາງ ແລະ ເວລາທີ່ພົວພັນ ເປັນວົງກວ້າງ ຊຶ່ງອາດຈະກໍ່ໃຫ້ເກີດມີການແຜ່ລະບາດໃນຊຸມຊົນຮອບໃໝ່ ໂດຍສະເພາະຢູ່ພາຍໃນເມືອງ ແລະ ແຂວງສາລະວັນ.

ໃນໄລຍະທີ່ມີການປິດການເຂົ້າ-ອອກດັ່ງກ່າວນີ້ ແມ່ນປິດການເຂົ້າ-ອອກເມືອງ, ບ້ານຕໍ່ບ້ານ, ໃຫ້ຕັ້ງຈຸດປ້ອມດ່ານ ທາງເຂົ້າ-ອອກເມືອງສາລະວັນ, ປິດ ປ້ຳນ້ຳມັນ ຄໍາແສນ ແລະ ປິດໂຮງຮຽນ ອະນຸບານ ສີມີໄຊ, ປິດຕະຫຼາດເມືອງສາລະວັນ (ອະນຸຍາດໃຫ້ຂາຍອາຫານ -ນໍ້າດື່ມ), ປີດເດີ່ນກິລາ-ສະໜາມກິລາກາງແຈ້ງ, ປິດສູນອອກກໍາລັງກາຍ, ປິດຮ້ານເສີມສວຍ.

 ນອກນັ້ນຍັງ ປິດພະແນກ ຍຸຕິທໍາແຂວງ ແລະ ອົງການ ໄອຍະການແຂວງ (ເຮັດວຽກຢູ່ເຮືອນ), ອົງກອນລັດທີ່ບໍ່ໄດ້ປິດໃຫ້ ພະນັກງານ-ລັດຖະກອນ ຜັດປ່ຽນກັນມາປະຈໍາການ, ຫ້າມການສັນຈອນໄປມາ ຕາມທ້ອງຖະໜົນ ເລີ່ມແຕ່ເວລາ 19 ໂມງ 00 ຫາ 5 ໂມງເຊົ້າຍົກເວັ້ນ ລົດຂົນສົ່ງອາຫານ, ລົດດັບເພີງ, ລົດຄົນຂົນສົ່ງຄົນເຈັບ, ລົດຄະນະສະເພາະກິດ, ລົດເຈົ້າໜ້າທີ່ທີ່ກ່ຽວຂ້ອງ ແລະ ອື່ນໆ.

Comments

be the first to comment on this article

Leave a Reply

Your email address will not be published. Required fields are marked *

Take Me Top