18/10/2021

THAILAND DAILY

NEWSPAPER / MAGAZINE / PUBLISHER

ປກສ-ເມືອງໄຊເສດຖາຈັບກຸ່ມມົ້ວສຸມຢາເສບຕິດ

ປກສ ເມືອງໄຊເສດຖາຈັບກຸ່ມມົ້ວສຸມຢາເສບຕິດ

ເຈົ້າໜ້າທີ່ ປກສ ກຸ່ມວັງຊາຍ ເມືອງໄຊເສດຖາ ສົມທົບກັບອົງການປົກຄອງບ້ານອາມອນ ເມືອງໄຊເສດຖາ ນະຄອນຫຼວງວຽງຈັນ ເຂົ້າມ້າງກຸ່ມມົ້ວສຸມຢາເສບຕິດຄາເຮືອນ, ສາມາດຈັບຜູ້ຂາຍຢາບ້າໄດ້ 2 ຄົນ ຊື່ ທ້າວ ສິນໄຊ ອາຍຸ 49 ປີ ເຈົ້າຂອງເຮືອນພ້ອມຂອງກາງຢາບ້າ 73 ເມັດ ແລະ ທ້າວ ແສງອາລຸນ ອາຍຸ 41 ປີ ຄົນບ້ານດຽວກັນພ້ອມຂອງກາງຢາບ້າ 95 ເມັດ ແລະ ຜູ້ທີ່ມາມົ້ວສຸມເສບຢາບ້າ ອີກ 8 ຄົນ (ຍິງ 1 ຄົນ), ເມື່ອມໍ່ໆມານີ້.

ເຈົ້າໜ້າທີ່ ປກສ ກຸ່ມວັງຊາຍ ໃຫ້ຮູ້ວ່າ: ຜ່ານການສອບສວນ ທ້າວ ສິນໄຊ ແລະ ທ້າວ ແສງອາລຸນ, ພວກກ່ຽວສາລະພາບວ່າໄດ້ພົວພັນເສບ ແລະ ຂາຍຢາເສບຕິດ ມາແຕ່ທ້າຍປີ 2020 ຊຶ່ງຢາບ້າທີ່ນຳມາຂາຍ ແມ່ນຊື້ຢູ່ເຂດບ້ານທາດຫຼວງເໜືອ ເມືອງໄຊເສດຖາ ນະຄອນຫຼວງວຽງຈັນ, ໂດຍຜ່ານມາ ເຄີຍຊື້ມາຂາຍ ແລ້ວຫຼາຍຄັ້ງ ແລະ ຫຼ້າສຸດແມ່ນ ຊື້ ຈໍານວນ 100 ເມັດ, ກ່ອນຈະຖືກເຈົ້າໜ້າທີ່ກັກຕົວໄດ້ພ້ອມຂອງກາງ.

ຕໍ່ກັບຄະດີດັ່ງກ່າວ,ເຈົ້າໜ້າທີ່ ປກສ ກຸ່ມວັງຊາຍ ໄດ້ສົ່ງມອບຜູ້ຕ້ອງຫາທັງສອງຄົນ ພ້ອມຂອງກາງ ໃຫ້ກອງບັນຊາການ ປກສ ເມືອງໄຊເດຖາ ນະຄອນຫຼວງວຽງຈັນ ສືບຕໍ່ດໍາເນີນຄະດີຕາມກົດໝາຍ.

ສ່ວນອີກ 8 ຄົນ ແມ່ນເປັນພວກມົ້ວສຸມເສບຢາ, ຈຶ່ງໄດ້ສຶກສາອົບຮົມຂັ້ນກຸ່ມ ແລະ ປັບໃໝຕາມລະບຽບການ ແລ້ວໃຫ້ພໍ່ແມ່ຜູ້ປົກຄອງ ຮັບປະກັນເອົາໄປສຶກສາອົບຮົມ ແລະ ຄຸ້ມຄອງຕໍ່ໄປ.

ຂໍ້ມູນຂ່າວ: ປກສ ນະຄອນຫຼວງວຽງຈັນ

Comments

be the first to comment on this article

Leave a Reply

Your email address will not be published. Required fields are marked *

Take Me Top