28/07/2021

THAILAND DAILY

NEWSPAPER / MAGAZINE / PUBLISHER

ບໍ່ແກ້ວສະເໜີໃຫ້ຄະນະສະເພາະກິດຂັ້ນສູນກາງ-ໂຈະການເຄື່ອນຍ້າຍ-ຫຼື-ອອກໃບອະນຸຍາດໃຫ້ຄົນຕ່າງປະເທດເຂົ້າມາໃນໄລຍະທີ່ມີການແຜ່ລະບາດຂອງພະຍາດໂຄວິດ-19

ບໍ່ແກ້ວສະເໜີໃຫ້ຄະນະສະເພາະກິດຂັ້ນສູນກາງ ໂຈະການເຄື່ອນຍ້າຍ ຫຼື ອອກໃບອະນຸຍາດໃຫ້ຄົນຕ່າງປະເທດເຂົ້າມາໃນໄລຍະທີ່ມີການແຜ່ລະບາດຂອງພະຍາດໂຄວິດ-19

ທ່ານ ປອ ບົວຄົງ ນາມມະວົງ ເຈົ້າແຂວງບໍ່ແກ້ວໄດ້ສະເໜີໃຫ້ກະຊວງສາທາລະນະສຸກ ສືບຕໍ່ສົ່ງແພດ-ໝໍຈາກສູນກາງ ມາຊ່ວຍແຂວງບໍ່ແກ້ວໃນການຕ້ານ, ປ້ອງກັນ ແລະ ຢັບຢັ້ງການແຜ່ລະບາດຂອງພະຍາດໂຄວິດ-19 ໂດຍສະເພາະຢູ່ເຂດເສດຖະກິດພິເສດ ສາມຫຼ່ຽມຄໍາ, ຂໍງົບປະມານໃນການລົງເຄື່ອນໄຫວ, ນອກນັ້ນທ່ານຍັງໄດ້ສະເໜີໃຫ້ຄະນະ ສະເພາະກິດຂັ້ນສູນກາງ ໂຈະການເຄື່ອນຍ້າຍ ຫຼື ອອກໃບອະນຸຍາດໃຫ້ຄົນຕ່າງປະເທດເຂົ້າ ມາໃນໄລຍະທີ່ມີການແຜ່ລະບາດຂອງພະຍາດໂຄວິດ-19 ທີ່ກອງປະຊຸມປຶກສາຫາລືການ ຈັດຕັ້ງປະຕິບັດ ຄໍາສັ່ງ 15/ນຍ ແບບທາງໄກ ແລະ ມາດຕະການປ້ອງກັນ, ຄວບຄຸມ ແລະ ກ້ໄຂສະພາບການລະບາດຂອງພະຍາດ ໂຄວິດ-19 ຢູ່ແຂວງບໍ່ແກ້ວໄດ້ຈັດຂຶ້ນໃນວັນທີ 17 ພຶດສະພາ 2021 ໂດຍການເປັນປະທານຂອງທ່ານພັນຄໍາ ວິພາວັນ ນາຍົກລັດຖະມົນຕີແຫ່ງ ສປປ ລາວ ພ້ອມດ້ວຍ ຕາງໜ້າບັນດາແຂວງຕ່າງໆໃນຂອເຂດທົ່ວປະເທດ ເພື່ອຄົ້ນຄ້ວາ, ປຶກສາຫາລືກ່ຽວກັບການຈັດຕັ້ງປະຕິບັດຄຳສັ່ງ15/ນຍ ກ່ຽວກັບການເພີ່ມທະວີມາດຕະການໃນ ການປ້ອງກັນການແຜ່ລະບາດຂອງພະຍາດໂຄວິດ-19.

ຮອດວັນທີ 17 ພຶດສະພາ 2021 ນີ້, ສປປ ລາວມີຜູ້ຕິດເຊື້ອສະສົມຈາກພະຍາດໂຄວິດ-19 ແລ້ວ 1.638 ຄົນ ໃນນັ້ນປິ່ນປົວຫາຍດີ 582 ຄົນ, ເສຍຊີວິດ 2 ຄົນ ແລະ ຍັງນອນປິ່ນປົວຢູ່ 1.054 ຄົນ.

ສະເພາະແຂວງບໍ່ແກ້ວມີຜູ້ຕິດເຊື້ອສະສົມແລ້ວຈາກພະຍາດນີ້ເຖິງ 428 ຄົນ, ເປັນອັນດັບສອງທີ່ພົບຜູ້ຕິດເຊື້ອຫຼາຍຮອງຈາກນະຄອນຫຼວງວຽງຈັນຊຶ່ງມີຜູ້ຕິດເຊື້ອຈໍານວນ 804 ຄົນ, ອັນດັບສາມແມ່ນແຂວງຈໍາປາສັກທີ່ມີຜູ້ຕິດເຊື້ອ 261 ຄົນ.

ຂໍ້ມູນ-ພາບ: ຄຳພັນ ແກ້ວມະນີ

Comments

be the first to comment on this article

Leave a Reply

Your email address will not be published. Required fields are marked *

Take Me Top