25/09/2021

THAILAND DAILY

NEWSPAPER / MAGAZINE / PUBLISHER

ນະຄອນຫຼວງວຽງຈັນສຸມໃສ່-ແກ້ໄຂ-ຈາລະຈອນແອອັດ-ແລະ-ຫຼຸດຜ່ອນອຸບັດເຫດ

ນະຄອນຫຼວງວຽງຈັນສຸມໃສ່ ແກ້ໄຂ ຈາລະຈອນແອອັດ ແລະ ຫຼຸດຜ່ອນອຸບັດເຫດ

ເຈົ້າໜ້າທີ່ຕໍາຫຼວດຈາລະຈອນ ທົ່ວນະຄອນຫຼວງວຽງຈັນ ໄດ້ສຸມໃສ່ 4ວຽກໃຫຍ່ ຄື: ວຽກງານໂຄສະນາ, ວຽກງານກອງຈາລະຈອນ, ວຽກງານກອງທາງຫຼວງ ແລະ ວຽກງານແກ້ໄຂອຸບັດເຫດ ທັງນີ້ກໍເພື່ອແກ້ໄຂຈາລະຈອນແອອັດ ແລະ ຫຼຸດຜ່ອນອຸບັດເຫດທີ່ເກີດຂຶ້ນຢູ່ນະຄອນຫຼວງວຽງຈັນ.

ທ່ານ ພັທ ວິລະພົງ ສະເໜ່ຫາ ຫົວໜ້າພະແນກຕໍາຫຼວດຈາລະຈອນຕໍາຫຼວດນະຄອນຫຼວງວຽງຈັນ ໄດ້ກ່າວໃນກອງປະຊຸມສະຫຼຸບ 6 ເດືອນຕົ້ນປີ 2021  ແລະ ວາງທິດທາງແຜນການ6 ເດືອນທ້າຍປີ 2021 ເມື່ອບໍ່ດົນມານີ້ວ່າ:

6 ເດືອນຕົ້ນປີ 2021, ພະແນກຕໍາຫຼວດຈາລະຈອນຕໍາຫຼວດນະຄອນຫຼວງວຽງຈັນ ໄດ້ສຸມໃສ່ 4 ວຽກໃຫຍ່ ເປັນຕົ້ນ ວຽກງານໂຄສະນາ: ແມ່ນໄດ້ລົງເຜີຍແຜ່ກົດລະບຽບຈາລະຈອນ ທັງໝົດ 706ຄັ້ງ, ໃນນີ້ ແມ່ນໄດ້ໂຄສະນາຜ່ານສື່ວິທະຍຸ, ໂທລະພາບ ແລະ ໜັງສືພິມ ທັງໝົດ 40ຄັ້ງ. ນໍາໃຊ້ລົດຈັກ ແລະ ລົດໃຫຍ່ລົງໂຄສະນາຢູ່ຕາມເສັ້ນທາງ, ສາມແຍກ ແລະ  ສີ່ແຍກ ທັງໝົດ 106 ຄັ້ງ. ລົງໂຄສະນາຢູ່ສໍານັກງານ, ໂຮງໝໍ, ໂຮງງານ, ໂຮງຮຽນ ແລະ ກຸ່ມບ້ານ ທັງໝົດ 504 ຄັ້ງ.

ວຽກງານກອງຈາລະຈອນ: ໄດ້ເອົາໃຈໃສ່ປະຈຳຢູ່ປ້ອມທັງໝົດ 63 ປ້ອມ, ໄຟອໍານາດ 60ຈຸດ, ກວດພົບເຫັນຜູ້ລະເມີດກົດລະບຽບຈາລະຈອນທັງໝົດ 2.000ຄົນ, ສຶກສາອົບຮົມ 1. 500ຄົນ, ຂຽນໃບສັ່ງກັກເອກະສານລົດທັງໝົດ 480 ໃບ ແລະ ກັກລົດທັງໝົດ 20 ຄັນ.

ວຽກງານກອງທາງຫຼວງ: ໄດ້ອອກກວດກາຈັບຄວາມໄວ 8 ຄັ້ງ, ຈັດລະບຽບຕາມສາຍທາງ ແລະ ທາງຄົນຍ່າງທັງໝົດ 796ຄັ້ງ, ຂຽນໃບກ່າວເຕືອນ 270ຄັ້ງ, ລະບາຍການສັນຈອນເຊົ້າ-ແລງ 798ຄັ້ງ, ກວດພົບເຫັນຜູ້ລະເມີດກົດລະບຽບຈາລະຈອນທັງໝົດ 5.325ຄົນ, ສຶກສາອົບຮົມ 4. 783ຄົນ, ຂຽນໃບສັ່ງ 542 ໃບ ແລະ ກັກລົດ 29 ຄັນ.

ວຽກງານແກ້ໄຂອຸບັດເຫດ: ມີອຸປະຕິເຫດບົນທ້ອງຖະໜົນ ເກີດຂຶ້ນທັງໝົດ 568 ກໍລະ­ນີ, ມີຜູ້ເສຍຊີວິດແລ້ວ 98 ຄົນ, ມີຄົນ​ໄດ້​ຮັບ​ບາດ­ເຈັບ​ທັງ​ໝົດ 533 ຄົນ ແລະ ພາ­ຫະ­ນະ​ເປ່​ເພ​ທັງ​ໝົດ 1.143 ຄັນ.

ຂໍ້ມູນຂ່າວ: ປກສ

Comments

be the first to comment on this article

Leave a Reply

Your email address will not be published. Required fields are marked *

Take Me Top