12/05/2021

THAILAND DAILY

NEWSPAPER / MAGAZINE / PUBLISHER

ທ້າວ-ທະ​ວີ​ໄຊ-ທຳ​ມະ​ວົງໄດ້ຊະນະເລີດການແຂ່ງຂັນ-ອອກແບບກາໝາຍ-ອາຫານ-ແລະ-ເຄື່ອງດື່ມ

ທ້າວ ທະ​ວີ​ໄຊ ທຳ​ມະ​ວົງໄດ້ຊະນະເລີດການແຂ່ງຂັນ ອອກແບບກາໝາຍ ອາຫານ ແລະ ເຄື່ອງດື່ມ

ສູນໂພຊະນາການ ກົມອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ ຮ່ວມມືກັບອົງການອາຫານໂລກ World Food Programme ແລະ ເຄືອຂ່າຍພາກທຸລະກິດ ເພື່ອສົ່ງເສີມໂພຊະນາການ SUN Business Network ໄດ້ຈັດການແຂ່ງຂັນ ເມື່ອບໍ່ດົນມານີ້ ກ່ຽວກັບການອອກແບບກາໝາຍ (ໂລໂກ້) ອາຫານ ແລະ ເຄື່ອງດື່ມທີ່ເພີ່ມວິຕາມິນ ແລະ ແຮ່ທາດ ຊຶ່ງຜົນການແຂ່ງຂັນປະກົດວ່າທ້າວ ທະ​ວີ​ໄຊ ທຳ​ມະ​ວົງ ບ້ານ​ໂຄກ​ໃຫຍ່ ເມືອງ​ໄຊ​ທານີ ນະ​ຄອນຫຼວງວຽງ​ຈັນ ເປັນຜູ້ຊະນະເລີດ ໄດ້ຮັບເງິນລາງວັນມູນຄ່າ 3.000.000 ກີບ, ອັນດັບທີ 2 ແມ່ນ ທ້າວ ສົມ​ພາ​ວັນ ສະ​ມຸດ​ວົງ​ສາ ບ້ານ​ໂພນ​ຕ້ອງ​ຈອມ​ມະ​ນີ ເມືອງ​ຈັນ​ທະ​ບູ​ລີ ນະ​ຄອນຫຼວງວຽງ​ຈັນ ໄດ້ຮັບ ເງິນລາງວັນມູນຄ່າ 2.000.000 ກີບ ແລະ ອັນດັບທີ 3 ແມ່ນ ທ້າວ​ ຫຸມ​ແປງ ອິນ​ທະ​ສອນ​ແກ້ວ ບ້ານ​ຫາດ​ຊາຍ​ຂາວ ເມືອງ​ຫາດ​ຊາຍ​ຟອງ ນະ​ຄອນຫຼວງວຽງ​ຈັນ ໄດ້ຮັບເງິນລາງວັນມູນຄ່າ 1.000.000 ກີບ ຊຶ່ງ​ມີ​ຜູ້ສົ່ງ​ກາ​ໝາຍເຂົ້າຮ່ວມປະກວດເ​ຖິງ 148 ກາໝາຍ ຈາກທົ່ວປະເທດ. ​


ພິທີມອບລາງວັນດັ່ງກ່າວໄດ້ຈັດຂຶ້ນເມື່ອວັນທີ 26 ກຸມພາ 2021 ທີ່ຜ່ານມາທີ່​ໂຮງ​ແຮມ​ລາວເທວ, ​ໃຫ້​ກຽດມອບ​ໂດຍ ທ່ານ ອ່ອນ​ຈັນ ແກ້ວ​ສະ​ຫວັນ ຮອງ​ຫົວ​ໜ້າ​ກົມອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ

ຂ່າວ: ບຸບ​ຕອມ

ພາບ: ບຸນ​ອຸ້ມ

Comments

be the first to comment on this article

Leave a Reply

Your email address will not be published. Required fields are marked *

Take Me Top