23/10/2021

THAILAND DAILY

NEWSPAPER / MAGAZINE / PUBLISHER

ທ່ານຄໍາພັນ-ເຜີຍຍະວົງ-ໄດ້ຮັບເລືອກເປັນເລຂາຄະນະພັກ-ຄະນະໂຄສະນາອົບຮົມສູນກາງພັກ-ສະໄໝທີ-v-ອີກສະໄໝ

ທ່ານຄໍາພັນ ເຜີຍຍະວົງ ໄດ້ຮັບເລືອກເປັນເລຂາຄະນະພັກ ຄະນະໂຄສະນາອົບຮົມສູນກາງພັກ ສະໄໝທີ V ອີກສະໄໝ

ການເລືອກເອົາຄະນະພັກ ຄະນະໂຄສະນາອົບຮົມສູນກາງພັກ ສະໄໝທີ V ເຊິ່ງປະກອບມີຜູ້ລົງສະໝັກ ທັງໝົດ 11ຄົນ ( ຍິງ 4 ຄົນ) ໃຫ້ເລືອກເອົາ 9 ຄົນ (ຍິງ 2 ຄົນ) ໄດ້ຈັດຂຶ້ນເມື່ອວັນທີ 24 ສິງຫາ 2021 ທີ່ກອງປະຊຸມໃຫຍ່ສະມາຊິກພັກ ຄັ້ງທີ V ຂອງອົງຄະນະພັກ ຄະນະໂຄສະນາອົບຮົມສູນກາງພັກ ພາຍໃຕ້ການເປັນປະທານຂອງ ທ່ານ ຄໍາພັນ ເຜີຍຍະວົງ ຄະນະເລຂາທິການສູນກາງພັກ, ເລຂາຄະນະພັກ, ຫົວໜ້າຄະນະໂຄສະນາອົບຮົມສູນກາງພັກ ໂດຍການໃຫ້ກຽດເຂົ້າຮ່ວມຂອງ ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ, ພ້ອມດ້ວຍສະມາຊິກພັກສົມບູນ 156 ສະຫາຍ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ຜົນການຄັດເລືອກ ເອົາ 9 ທ່ານຈາກ 11 ທ່ານປະກອບມີ: ທ່ານ ຄໍາພັນ ເຜີຍຍະວົງ, ທ່ານລາວປາວຊົ່ງ ນະວົງໄຊ, ທ່ານ ນາງ ວິລະວອນ ພັນທະວົງ, ທ່ານ ນາງ ສົມພອນ ພົມມະຈັກ, ທ່ານອານົງສັກ ອິນທະວົງ, ທ່ານ ວັນຕຸລາ ຣັກນຸດ, ທ່ານສາຄອນ ພົມມະລາດ, ທ່ານ ຄໍາກອງ ທໍາມະເທວາ ແລະ ທ່ານວັນລາຕີ ຄໍາວານວົງສາ.

ຫຼັງຈາກນັ້ນໄດ້ມີການຄັດເລືອກເອົາກໍາມະການຄະນະປະຈໍາພັກ 3 ທ່ານ, ຜົນການຄັດເລືອກມີ ທ່ານຄໍາພັນ ເຜີຍຍະວົງ, ທ່ານ ລາວປາວຊົ່ງ ນະວົງໄຊ ແລະ ທ່ານນາງ ວິລະວອນ ພັນທະວົງ.

ຫຼັງຈາກນັ້ນໄດ້ມີການຄັດເລືອກເອົາເລຂາຄະນະພັກ ຄະນະໂຄສະນາອົບຮົມສູນກາງພັກ ສະໄໝທີ V ອີກສະໄໝ ແລະ ຮອງເລຂາ ຄະນະພັກ ຊຶ່ງຜົນການຄັດເລືອກປະກົດວ່າທ່ານ ຄໍາພັນ ເຜີຍຍະວົງ ໄດ້ຮັບເລືອກເປັນເລຂາ , ທ່ານ ລາວປາວຊົ່ງ ນະວົງໄຊ ເປັນຮອງເລຂາ ແລະ ທ່ານ ນ. ວິລະວອນ ພັນທະວົງ ເປັນປະທານຄະນະກວດກາພັກ.

Comments

be the first to comment on this article

Leave a Reply

Your email address will not be published. Required fields are marked *

Take Me Top