28/06/2022

THAILAND DAILY

NEWSPAPER / MAGAZINE / PUBLISHER

 ຈຳ​ນວນ​ຜູ້​ຕິດ​ເຊື້ອ​ພະ​ຍາດ​ໂຄວິດ-19-ສືບ​ຕໍ່ຫຼຸດ​ລົງ

 ຈຳ​ນວນ​ຜູ້​ຕິດ​ເຊື້ອ​ພະ​ຍາດ​ໂຄວິດ-19 ສືບ​ຕໍ່ຫຼຸດ​ລົງ

ສະ​ພາບ​​ການ​ແຜ່​ລະ​ບາດ​ຂອງ​​ພະ​ຍາດ​ໂຄວິດ-19 ຢູ່ປະ​ເທດ​ລາວ ໃນ​ປະ​ຈຸ​ບັນ​ນີ້​ເຫັນ​ໄດ້​ວ່າ​ມີ​ທ່າ​ອ່ຽງ​​ຫຼຸດ​ລົງໃນ​ແຕ່​ລະ​ວັນ​, ນັບ​ຕັ້ງ​ແຕ່ວັນ​ທີ່ 27 ເມ​ສາ 2022 ມານີ້ ​ແມ່ນ​ກວດ​ພົບ​ຈຳ​ນວນຜູ້​ຕິດ​ເຊື້ອ​ຕ່ຳກວ່າ 500ຄົນ/ວັນ ເປັນ​ຕົ້ນ​ມາ.

ຄະ​ນະ​ສະ​ເພາະ​ກິດ​ເພື່ອ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຖະແຫຼງຂ່າວປະຈຳວັນທີ 05 ພຶດ​ສະ​ພາ 2022 ນີ້​ໃຫ້ຮູ້ວ່າ: ການກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ໃນ​ວັນ​ທີ 04 ພຶດ​ສະ​ພາ 2022 ທີ່ຜ່ານມາໄດ້ເກັບຕົວຢ່າງມາກວດວິເຄາະ​ທັງ​ໝົດ 2.323 ຕົວ​ຢ່າງ, ​ກວດພົບ​ຜູ້​ຕິດ​ເຊື້ອ​ເພີ່ມ​ໃໝ່ 230 ຄົນ, ໃນນີ້ 210 ຄົນຕິດ​ເຊື້ອພາຍໃນ.

ໃນ​ຈຳ​ນວນ​ຜູ້​ຕິ​ດ​ເຊື້ອເພີ່ມໃໝ່​ນັ້ນແມ່ນຕິດເຊື້ອນຳເຂົ້າມີ 20 ຄົນ ແມ່ນຢູ່ນະ​ຄອນຫຼວງວຽງ​ຈັນ 1 ຄົນ, ແຂວງ ບໍ​ລິ​ຄຳ​ໄຊ 2 ຄົນ, ແຂວງ ຄຳ​ມ່ວນ 4 ຄົນ, ແຂວງ ສະຫວັນນະເຂດ 9 ຄົນ ແລະ ແຂວງ ຈຳ​ປາ​ສັກ 4 ຄົນ; ຕິດເຊື້ອພາຍໃນທີ່ມີເຖິງ 210 ຄົນແມ່ນຢູ່ນະຄອນຫຼວງວຽງຈັນ 128 ຄົນ, ແຂວງ ຫຼວງ​ພະ​ບາງ 8 ຄົນ, ແຂວງ ຜົ້ງ​ສາ​ລີ 1 ຄົນ, ແຂວງ ຊຽງຂວາງ 12 ຄົນ, ແຂວງ ຫົວ​ພັນ 3 ຄົນ, ແຂວງ ບໍ່​ແກ້ວ 1 ຄົນ, ແຂວງ ໄຊຍະບູລີ 12 ຄົນ, ແຂວງ ອຸດົມໄຊ 4 ຄົນ, ແຂວງ ວຽງຈັນ 11 ຄົນ, ແຂວງ ໄຊ​ສົມ​ບູນ 3 ຄົນ, ແຂວງ ບໍລິຄຳໄຊ 3 ຄົນ, ແຂວງ ຄຳມ່ວນ 4 ຄົນ, ແຂວງ ສະຫວັນນະເຂດ 5 ຄົນ, ແຂວງ ສາ​ລະ​ວັນ 5 ຄົນ, ແຂວງ ຈຳ​ປາ​ສັກ 1 ຄົນ, ແຂວງ ເຊກອງ 2 ຄົນ ແລະ ແຂວງ ອັດຕະປື 7 ຄົນ. ສຳລັບມື້ນີ້ ມີຜູ້ປິ່ນປົວຫາຍດີອອກໂຮງໝໍ 62 ຄົນ, ເສຍ​ຊີ​ວິດ​ໃໝ່ 2 ຄົນ​  ( ຢູ່​​ແຂວງ ຫຼວງ​ພະ​ບາງ 1 ຄົນ ແລະ ແຂວງ ອັດ​ຕະ​ປື 1 ຄົນ).

ຮອດປັດຈຸບັນ, ປະ​ເທດ​ລາ​ວ ມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 208.368 ຄົນ, ກຳລັງນອນປິ່ນປົວ 436 ຄົນ, ເສຍຊີວິດສະສົມ 748 ຄົນ.

Comments

be the first to comment on this article

Leave a Reply

Your email address will not be published.

Take Me Top