19/09/2021

THAILAND DAILY

NEWSPAPER / MAGAZINE / PUBLISHER

ຄະ​ນະ​ສະ​ເພາະ​ກິດ​ແຂວງອັດ​ຕະ​ປື​ປິດການເຂົ້າ-ອອກ​ແຂວງ-7-ວັນ

ຄະ​ນະ​ສະ​ເພາະ​ກິດ​ແຂວງອັດ​ຕະ​ປື​ປິດການເຂົ້າ-ອອກ​ແຂວງ 7 ວັນ

ສ​ປ​ປ ລາວ​ຍັງ​ມີ​ພຽງ​ແຕ່ແຂວງ ອັດຕະປີ ​ແລະ ຫົວ​ພັນ​ທີ່​ຍັງ​ບໍ່​ມີ​ຜູ້​ຕິດ​ເຊື້ອ​ພະ​ຍາດ​ໂຄວິດ-19, ດັ່ງ​ນັ້ນ​ເພື່ອ​ເປັນ​ການ​ປ້ອງ​ກັນ​ຜູ້​ຕິດ​ເຊື້ອ​ທີ່​ມາ​ຈາກ​ແຂວງ​ອ້ອມ​ຂ້າງ​ໂດຍ​ສະ​ເພາະແຂວງ​ຈຳ​ປາ​ສັກ​ທີ່​ມີ​ຊາຍ​ແດນ​ຕິດ​ກັບ​ແຂວງ​ອັດ​ຕະ​ປື, ອຳ​ນາດ​ການ​ປົກ​ຄອງ​ແຂວງ​ອັດ​ຕະ​ປື ຫຼື ຄະ​ນະ​ສະ​ເພາະ​ກິດ​ເພື່ອ​ປ້ອງ​ກັນ, ຄວບ​ຄຸມ ແລະ ແກ້​ໂຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຂັ້ນ​ແຂວງ ຈຶ່ງ​ໄດ້​ແຈ້ງ​ການ​ປິດ​ການ​ເຂົ້າ-ອອກ​ເມືອງ ເມື່ອ​ມໍ່ໆ​ມາ​ນີ້ ເປັນ​ເວ​ລາ 7 ວັນ.

ເນື້ອ​ໃນ​ທີ່​ສຳ​ຄັນ​ຂອງ​ການ​ແຈ້ງ​ການ​ໄດ້​ລະ​ບຸ​ໄວ້​ວ່າ: ໃຫ້ປິດການເຂົ້າ-ອອກແຂວງຕໍ່ແຂວງໃນໄລຍະ 7 ວັນ ນັບ​ແຕ່​ວັນ​ທີ 23 ຫາ29 ກໍລະກົດ 2021, ຫ້າມປະ​ຊາ​ຊົນ​ພາຍ​ໃນ​ແຂວງເດີນທາງອອກໄປຕ່າງແຂວງ ແລະ ​ປະ​ຊາ​ຊົນຕ່າງແຂວງຫ້າມເຂົ້າມາແຂວງອັດຕະປື ແຕ່ຍົກເວັ້ນກໍລະນີພິເສດທີ່ເຄື່ອນໄຫວທາງການອັນຈໍາ ເປັນກ່ຽວ​ກັບວຽກງານປ້ອງກັນຊາດ, ປ້ອງກັນຄວາມສະຫງົບ, ລົດຂົນສົ່ງຄົນເຈັບ, ວຽກງານກູ້ໄພ-ວຽກງານດັບເພີງ, ແຮງານລາວ, ນັກສຶກສາລາວ ທີ່ຕົກຄ້າງຢູ່ຕ່າງປະເທດ ແລະ ຕ່າງແຂວງ ແຕ່​ຕ້ອງ​ໄດ້​ຮັບ​ອະ​ນຸ​ຍາດ​ຈາກຄະນະສະເພາະກິດຂັ້ນແຂວງ ແລະ ຕ້ອງໄດ້ປະຕິບັດມາດຕະການຕ່າງໆ ທີ່ຄະນະສະເພາະກິດວາງອອກຢ່າງເຂັ້ມງວດ, ຢຸດການອະນຸຍາດ ເດີນທາງເຂົ້າ-ອອກແຂວງ ສໍາລັບຜູ້ຂັບລົດ ແລະ ພະນັກງານຂົນສົ່ງສິນຄ້າທຸກປະເພດ ຍົກເວັ້ນສະເພາະລົດ​ຂົນ​ສົ່ງສິນຄ້າທີ່ຈໍາເປັນເຊັ່ນ: ​ລົດ​ຂົນ​ສົ່ງນໍ້າມັນເຊື້ອໄຟ, ເຄື່ອງກໍ່ສ້າງຂອງໂຄງການຟື້ນຟູໄພພິບັດ, ໂຄງການກໍ່ສ້າງເຂື່ອນໄຟຟ້າຕ່າງໆ ແຕ່ໃຫ້ມີການຄ່ຽນຖ່າຍພະນັກງານຂັບລົດຢູ່ລະຫວ່າງຊາຍແດນ ແລະ ມີການພົ່ນຢາຂ້າເຊື້ອໃນ ຫ້ອງຂັບລົດພ້ອມທັງປະຕິບັດມາດຕະການໃນການປ້ອງກັນ ແລະ ຄວບຄຸມພະຍາດຢ່າງ ເຂັ້ມງວດ.

Comments

be the first to comment on this article

Leave a Reply

Your email address will not be published. Required fields are marked *

Take Me Top