24/09/2021

THAILAND DAILY

NEWSPAPER / MAGAZINE / PUBLISHER

ກົມ​ຄວບ​ຄຸມ​ພະ​ຍາດ​ຕິດ​ຕໍ່-ເຊັນບົດບັນທຶກ-ຄວາມເຂົ້າໃຈ-2-ໂຄງ​ການກັບອົງ​ການ-chai-ປະ​ຈຳ-ສ​ປ​ປ-ລາວ

ກົມ​ຄວບ​ຄຸມ​ພະ​ຍາດ​ຕິດ​ຕໍ່ ເຊັນບົດບັນທຶກ ຄວາມເຂົ້າໃຈ 2 ໂຄງ​ການກັບອົງ​ການ CHAI ປະ​ຈຳ ສ​ປ​ປ ລາວ

ກົມ​ຄວບ​ຄຸມ​ພະ​ຍາດ​ຕິດ​ຕໍ່ ກະ​ຊວງ​ສາ​ທາ​ລະ​ນະ​ສຸກ ຮ່ວມກັບ ອົງ​ການ CHAI ປະ​ຈຳ ສ​ປ​ປ ລາວ ໄດ້ເຊັນບົດບັນທຶກຄວາມເຂົ້າໃຈ ກ່ຽວກັບ ໂຄງ​ການ​ເສີມ​ສ້າງ​ລະ​ບົບ​ການ​ຄວບ​ຄຸມ​ໃຫ້​ມີ​ຄວາມ​ເຂັ້ມ​ແຂງ ແລະ ເລັ່ງ​ລັດ​ການ​ກຳ​ຈັດ​ພະ​ຍາດ​ໄຂ້​​ມາ​ລາ​ເຣຍ ຢູ່ ສ​ປ​ປ ລາວ ແລະ ໂຄງ​ການ​ປັບ​ປຸງ​ແຜນ​ປະ​ຕິ​ບັດ​ງານ​ແຫ່ງ​ຊາດ​ທີ່​ສົມ​ບູນ​ແບບ ເພື່ອ​ສ້າງ​ຄວາມ​ເຂັ້ມ​ແຂງ ແລະ ຄວາມ​ອາດ​ສາ​ມາດ​ໃນ​ການ​ປ້ອງ​ກັນ​ຄວບ​ຄຸມ​ວັນ​ນະ​ໂລກ ເຊື້ອ​ເຮ​ສ​ໄອ​ວີ ພະ​ຍາດ​ເອດ ແລະ ພະ​ຍາດ​ຕິດ​ຕໍ່​ທາງ​ເພດ​ສຳ​ພັນ (ພ​ຕ​ພ) ຢູ່ ສປ​ປ ລາວ.

ສຳ​ລັບ​ ຈຸດ​ປະ​ສົງຂອງ 2 ໂຄງ​ການ​ດັ່ງ​ກ່າວ​ ແມ່ນເນັ້ນໃສ່​​ປະ​ຕິ​ບັດ​ຢູ່​ໃນ ຂັ້ນ​ສູນ​ກາງ, ຂັ້ນ​ແຂວງ ແລະ ເມືອງ ຢູ່​ໃນແຂວງ​ພາກ​ໃຕ້​ຄື: ແຂວງ​ສາ​ລະ​ວັນ,​ ເຊກອງ, ຈຳ​ປາ​ສັກ, ອັດ​ຕະ​ປື, ສະ​ຫວັນ​ນະ​ເຂດ ແລະ ​ ເມືອງ​ບົວ​ລະ​ພາ ​ແຂວງຄຳ​ມ່ວນ ແມ່ນ​ເພື່ອ​ຊ່ວຍ​ເຫຼືອ​ທາງ​ດ້ານ​ເຕັກ​ນິກ​​ວິ​ຊາ​ການ​ຢູ່​ໃນ​ຂັ້ນ​ແຂວງ ແລະ ​ຂັ້ນເມືອງ.ພິທີເຊັນບົດບັນທຶກຄວາມເຂົ້າໃຈດັ່ງກ່າວ ໄດ້ຈັດຂຶ້ນເມື່ຶອມໍ່ໆມານີ້ ທີ່ນະຄອນຫຼວງວຽງຈັນ ໂດຍຮ່ວມ​ລົງ​ນາມ​ຂອງທ່ານ ຣັດ​ຕະ​ນະ​ໄຊ ເພັດ​ສຸ​ວັນ ຫົວ​ໜ້າ​ກົມ​ຄວບ​ຄຸມ​ພະ​ຍາດ​ຕິດ​ຕໍ່ ກະ​ຊວງ​ສາ​ທາ​ລະ​ນະ​ສຸກ ແລະ ທ່ານ ກາ​ແຣັດ​ຍັງ ຫົວ​ໜ້າ​ໂຄງ​ການ CHAI ປະ​ຈຳ ສ​ປ​ປ ລາວ ພ້ອມດ້ວຍພາກສ່ວນທີ່​ກ່ຽວ​ຂ້ອງ​ເຂົ້າ​ຮ່ວມ.

Comments

be the first to comment on this article

Leave a Reply

Your email address will not be published. Required fields are marked *

Take Me Top