27/07/2021

THAILAND DAILY

NEWSPAPER / MAGAZINE / PUBLISHER

ການນໍາພັກ-ລັດ-ແລະ-ປວງຊົນຊາວລາວຕ່າງພາກັນອອກມາໃຊ້ສິດຂອງຕົນເພື່ອປ່ອນບັດເລືອກຕັ້ງເອົາ-ສສຊ-ຊຸດທີ-9-ແລະ-ສສຂ-ຊຸດທີ-2

ການນໍາພັກ-ລັດ ແລະ ປວງຊົນຊາວລາວຕ່າງພາກັນອອກມາໃຊ້ສິດຂອງຕົນເພື່ອປ່ອນບັດເລືອກຕັ້ງເອົາ ສສຊ ຊຸດທີ 9 ແລະ ສສຂ ຊຸດທີ 2

ການປ່ອນບັດເລືອກຕັ້ງເອົາສະມາຊິກສະພາແຫ່ງຊາດ (ສສຊ) ຊຸດທີ 9 ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ 2 ໄດ້ຈັດຂຶ້ນໃນຕອນເຊົ້າຂອງວັນອາທິດ ວັນທີ 21​ ກຸມພາ 2021 ໃນຂອບເຂດທົ່ວປະເທດ ຊຶ່ງການໍາພັກ-ລັດ ແລະ ປວງຊົນຊາວລາວຕ່າງພາກັນອອກມາໃຊ້ສິດຂອງຕົນເພື່ອປ່ອນບັດເລືອກຕັ້ງຢ່າງຟົດຟື້ນເພື່ອເລືອກເອົາ ສສຊ ແລະ ສສຂ ຜູ້ທີ່ມີຄວາມຮູ້ຄວາມສາມາດມາເຮັດວຽກຢູ່ໃນສະພາແຫ່ງຊາດ ແລະ ສະພາປະຊາຊົນຂັ້ນແຂວງ ເພື່ອເປັນຂົວຕໍ່ກັບລັດຖະບານໃນການປະສານງານກຽ່ວກັບວຽກຕ່າງໆເພື່ອນໍາພາປະເທດຮຸ່ງເຮືອງສີວິໄລ ແລະ ມີການພັດທະນາເປັນກ້າວໆໃນແຕ່ລະໄລຍະ.


ທ່ານບຸນຍັງ ວໍລະຈິດ ປະທານປະເທດ ແຫ່ງສປປ ລາວ ໄດ້ອອກມາໃຊ້ສິດປ່ອນບັດເລືອກຕັ້ງດັ່ງກ່າວຢູ່ ບ້ານໜອງບອນ ເມືອງໄຊເສດຖາ ນະຄອນຫຼວງວຽງຈັນ, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສສປ ລາວ ໄດ້ອອກມາໃຊ້ສິດປ່ອນບັດເລືອກຕັ້ງດັ່ງກ່າວຢູ່ບ້ານທ່າພະລານໄຊ ເມືອງສີສັດຕະນາກ ແລະ ທ່ານ ພັນຄໍາ ວິພາວັນ ຮອງປະທານປະເທດໄດ້ອອກມາໃຊ້ສິດປ່ອນບັດເລືອກຕັ້ງດັ່ງກ່າວຢູ່ ບ້ານສາຍນໍ້າເງິນ ເມືອງໄຊທານີ ນະຄອນຫຼວງວຽງຈັນ ແລະ ການນໍາຜູ້ອື່ນໆກໍ່ອອກມາໃຊ້ສິດເລືອກຕັ້ງດັ່ງກ່າວເຊັ່ນດຽວກັນ.


ການເລືອກຕັ້ງສະມາຊິກສະພາແຫ່ງຊາດຊຸດທີ 9 ນີ້, ທົ່ວປະເທດມີ 18 ເຂດເລືອກຕັ້ງ ໂດຍມີ ຜູ້ສະໝັກທັງໝົດ 224 ທ່ານ ໂດຍເລືອກເອົາ 164 ທ່ານ, ຜູ້ມີສິດປ່ອນບັດເລືອກຕັ້ງທັງໝົດ 4.279.243 ຄົນ (ຍິງ 2.128.167 ຄົນ), ມີໜ່ວຍປ່ອນບັດເລືອກຕັ້ງທັງໝົດ 7.217 ໜ່ວຍ ໃນນີ້ມີ 40 ໜ່ວຍເລືອກຕັ້ງທີ່ປະຈໍາຢູ່ຕ່າງປະເທດ ຊຶ່ງມີພົນລະເມືອງລາວອາໄສຢູ່ໂດຍມີຜູ້ມີສິດປ່ອນບັດເລືອກຕັ້ງທັງໝົດ 13.404 ຄົນ (ຍິງ 5.493 ຄົນ).

ຂ່າວ: ວຽງຈັນທາຍ

Comments

be the first to comment on this article

Leave a Reply

Your email address will not be published. Required fields are marked *

Take Me Top